Máseleniń máni
Mamandar áýe kompanııasynyń qoldanystaǵy paıdalanýshy sertıfıkatyn muqııat tekserý barysynda ushý jaramdylyǵyna qatysty birqatar talaptardyń buzylǵanyn anyqtaǵan.
Birinshiden, áýe kompanııasy ushaqtardyń ushýǵa jaramdylyǵyn baqylaýdy tolyq jáne tıisti esepke almaǵan. Bólshekterdi bir ushaqtan ekinshisine aýystyrý kezindegi kórsetkishter tehnıkalyq jýrnaldardaǵy málimetterge sáıkes kelmeıdi. Bul Bek Air kompanııasynda bir ushaqtyń quramdas bólshegin alyp, ony basqa ushaqqa ornatý únemi qoldanylatynyn kórsetedi.
Tıisinshe, áýe kompanııasynyń qarjynyń jetkiliksizdiginen qosalqy bólshekter alýǵa múmkindigi joq ekeni belgili bolǵan.
"Ushaqtyń qozǵaltqyshynan saǵat pen ıkldardy baqylaýǵa múmkindik beretin serııalyq nómirlerdegi aqparatty kórsetetin derekter kesteleri alynyp tastalǵan. Bul qozǵaltqyshtardyń sáıkestendirilýi men naqty qansha saǵat jumys istegenin tekserýge múmkindik bermeıdi", – dep habarlady Azamattyq avıaııa komıtetiniń baspasóz qyzmeti.
Taǵy qandaı aqaýlar anyqtaldy
Tekserý barysynda áýe kompanııasynyń birneshe ushaǵynda problemaly qozǵaltqysh tabylǵan. Bul Bek Air ushaqtary qozǵaltqyshtarynyń sapasyna kúmán týdyrady. Sonymen qatar, Fokker-100 ushaqtarynyń qozǵaltqyshtaryn óndirýshi Rolls Royce kompanııasy osy ushaqtar Qazaqstanda qoldanysqa berilgennen bastap, olarǵa atalǵan qozǵaltqyshtardy kúrdeli jóndeýden ótkizý týraly eshqandaı ótinish túspegenin habarlaǵan.
Buǵan qosa, Rolls Royce "Qazaqstannyń avıaııalyq ákimshiligi" AQ-ǵa derekter kestelerin alýdy talap etetin rásimder joq ekenin jáne qoldanystaǵy ushaqtardyń qozǵaltqyshyna bul áreketti jasaýǵa ruqsat bermeıtinin málimdegen.
Úkimettik komıssııa: Bek Air ushaǵyna muz qatýy – onyń apatqa ushyraýynyń negizgi nusqasy
"Almaty áýejaıyndaǵy beınebaqylaý kameralarynda jazbalardy zertteý barysynda Bek Air áýe kemesiniń ushaqtaryn ushýǵa daıyndaıtyn ekıpajdyń, ádette, áýe kemesin paıdalaný nusqaýlyǵynda talap etilgendeı, ushaq qanatyn aınala teksermeıtini anyqtaldy" – delingen habarlamada.
Fokker-100 ushaǵyn paıdalaný jónindegi nusqaýlyqta ushaqtyń qanaty árbir ushýdyń aldynda tekserilýi tıis.
Tekserý aıaqtalǵasyn ne bolady.
Qazirgi ýaqytta Bek Air áýe kompanııasyn tekserý jumystary jalǵasýda. Ol aıaqtalǵannan keıin kompanııa 10 kún ishinde barlyq buzýshylyqtardy joıý úshin "Qazaqstan avıaııalyq ákimshiligi" AQ-na josparyn usynýy tıis. Eger buzýshylyqtar 6 aı ishinde joıylmasa, paıdalanýshy sertıfıkaty men ushý jaramdylyǵy sertıfıkattary keri qaıtarylyp alynady.
Ázirge sertıfıkattardyń qoldanylýy belgisiz merzimge toqtatylǵan.
informburo.kz
