Qaraǵandyda Máýlit merekesi nege aqyly?

2651
Adyrna.kz Telegram

Osy aptada barsha musylman  qaýymmen birge Maıqudyqtaǵy Bala qajy atyndaǵy meshitte juma namazǵa qatystyq. Dástúrli ýaǵyzdan keıin, Almatydaǵy qaıǵyly ushaq apatynan oqysta qurban bolǵan jandarǵa duǵa baǵyshtaldy.

Aıtaıyn degenimiz, namaz arasynda meshit ımamy kópshilik jınalǵandarǵa - « 5 qańtar, saǵat 19:00 de Qaraǵandy qalasyndaǵy Serik Sápıev atyndaǵy boks ortalyǵynda Muhamed Ǵ.S. týǵan kúni Máýlit meıramy atap ótiledi. Paıǵambarymyzdy ulyqtaıtyn aıtýly sharaǵa qatysý úshin meshitten 1000 teńgege bılet satyp alyńyzdar»-dep habarlandyrý jasady.

 Nege Qaraǵandyda basqa - óńirlerden ózgeshe, jylyna bir toılanatyn Máýlit meıramyna musylman qaýym aqsha tólep kirýi kerek? Alla razylyǵy úshin sharany nege tegin uıymdastyrmasqa?  Bul degenimiz qarasha halyqty tonaý ǵoı. Sol aqshany tóleýge kópshiliktiń shamasy kele bermeıdi. Ásirese, kúnkórisi tómen, az qamtylǵan otbasy músheleri. Oblystyń ókil ımamy Ómirzaq qajy Bekqoja myrza bul tirlikke ne dep jaýap beresiz? Máýlit meıramyn kórý úshin aqsha tólegennen basqa, meshitterimizge Allaǵa shúkir zeket, sadaqasyn, qarjylaı kómegin aıamaı berip jatatyn jomart jandar jeterlik. Sol az boldy ma? Jamaǵatty qanaýdy qoısanyzdar? Máýlit meıramy, halyq meıramy sıpatynda ótýi qajet, Al oǵan qatysý árbir musylmanǵa qoljetimdi, tegin bolýy tıis.

 

Darhan ÝÁLIEV,

QR Jýrnalıster Odaǵynyń múshesi,

Qaraǵandy qalasy.

Pikirler