QR Prezidentı janyndaǧy Ortalyq kommunikasiialar qyzmetınde ötken brifing barysynda ŞQO äkımı Danial Ahmetov Ūly Abaidyŋ 175-jyldyǧyna orai jürgızılıp jatqan daiyndyq jūmystary turaly keŋınen aityp berdı.
Ol oblysta osy şarany keŋ auqymda atap ötu üşın arnaiy jospar jasalǧannyn atap öttı. Josparǧa säikes aqsaqaldar, ǧalymdar, abaitanuşylar, onyŋ ışınde Ǧarifolla Esım, Rollan Seisenbaev, Arap Espenbetov bar. Barlyǧy 560 ıs-şara ötedı, 24-ı halyqaralyq deŋgeide Ūlybritaniiada, Reseide, Türkiiada, Polşada, Qytaida, 21 respublikalyq, 515 oblystyq şara ūiymdastyrylady.
Būdan bölek "Ruhani jaŋǧyrtu" baǧdarlamasynyŋ aimaqtyq baǧdarlamasyna aqynnyŋ mereitoiyn engızu josparlanuda. Aǧymdaǧy jyl soŋyna deiın "Abaitanu" kursynyŋ keşendı oqu-ädıstemelık keşenı äzırlenedı. Osy maqsatta ǧalymdar tartylady. Keiınnen būl ǧylymi-zertteu instituttarynyŋ jūmysy oblystaǧy kolledjder men mektepterge taratylady. Bılım jäne ǧylym ministrlıgınıŋ qoldauymen 2020 jyldan bastap 5-8 synyp oquşylaryna elevtivtı kurs retınde engızıledı. Sonymen qatar pedagogikalyq kolledjderdıŋ studentterı de osy kursty oqityn bolady.
2019 jyldyŋ qaraşa aiynan bastap 280 mūǧalım arnaiy kurstan ötedı. Olarǧa JOO-daǧy abaitanuşylar därıs beredı.
2020 jyldyŋ säuır aiynda oquşylar men studentter arasynda IT-hakaton ötedı. Basty maqsat - IT-şeşımder arqyly Abai tuyndylaryn nasihattau.
Bılım beru salasynda Abai şyǧarmalaryn nasihattau üşın olimpiadalar, därıster jürgızıledı. Jeŋımpazdar Jidebai-Börılı, Aqşoqy turistık baǧyttary boiynşa, sondai-aq Abai, Äuezov, Dostoevskii mūrajailaryn baryp, közben körıp qaituǧa mümkındık alady. Oǧan şamamen 225 myŋ oquşy men student qatyskdy dep josparlanuda.
2020 jyldyŋ tamyz aiynda Abai atyndaǧy qazaq tılın tereŋdetıp oqytatyn oblystyq mamandandyrylǧan mekte-gimnaziiasy aşylady. Sondai-aq Öskemendegı № 46 jalpy bılım beretın orta mektep pen Abai audanyndaǧy Qarauyl auylynda 300 oryndyq mektepte qazaq tılı tereŋdetılıp oqytylady. Al kelesı oqu jylynda oblystaǧy 277 tolyq komplektılı mektep pen ekı pedagogikalyq kolledjde "Abaitanu" kabinetterı aşylady. Joǧary oqu oryndarynda "Adam bol" atty ǧylymi zertteu jobalary qolǧa alynady (D.Serıkbaev atyndaǧy ŞQMTU. Basty maqsat - jastar arasynda Abai mūrasyn nasihattau. "Abai jäne HHI" ǧasyr atty elevtivtı kursy engızıledı. Ony 1-4 kurs studentterı oqidy. Sondai-aq Şäkärım atyndaǧy Semei memlekettık universitetınıŋ bazasynda "Hakım Abai" jobasy ıske asyryluda. Onda Abai mūrasyn nasihattaityn baspalar şyǧarylady. Oǧan abaitanuşy Arap Espenbetov jetekşılık etedı.
Mädeniettı damytu baǧdarlamasy aiasynda "Şyǧys Qazaqstannyŋ ejelgı bailyǧy" jobasy qolǧa alyndy. Būl joba aiasynda "Altyn ūly dala" atty köşpelı arheologiialyq körme ūiymdastyrylady. Ūlybritaniiadaǧy Kembridj universitetınde 26 mamyr men 16 tamyz aralyǧynda osy körme ötedı. Onda "Ūly dalanyŋ ūly ūldary" atty ädebi-surettemelık körme bölımı ötedı. Mūnda keluşılerdıŋ nazaryna sirek kezdesetın qorlar ūsynylady. Onyŋ ışınde Abai şyǧarmaşylary da bar. Sondai-aq "Abai - ūly oişyl" atty suretşılerdıŋ plenerı ötedı. Oǧan otandyq jäne şeteldık qylqalam şeberlerı qatysady.
Klassikalyq oryndauşylardyŋ qatysuymen "Aq Ertıs" halyqaralyq baiqauy ötedı. "Abai älemı" kıtaptar seriiasy şyǧarylady. Onda ädebi mūralar men öŋırdegı jazuşylardyŋ potensialy tolyq körsetıledı. Abai mūrasyn nasihattau maqsatynda fotoalbomdar men muzeilerge arnalǧan katologtar şyǧarylady.
- Mereitoidy ötkızudegı basty maqsat- Abai mūrasyn älemdık qoǧamdastyqqa tanytu. Söitıp Qazaqstandaǧy gumanizmnıŋ joǧary deŋgeiın körsetıp, elımızdegı tatulyq pen aşyqtyqty özge elderge paş etu, - dedı Danial Ahmetov.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz