Memlekettik ortalyq mýzeıinde Shoqan Ýálıhanovtyń týǵanyna 180 jyl tolýyna arnalǵan «Shoqan asýlary» atty kórme ashylady, dep habarlaıdy kazmuseum.kz tilshisi.
Kórmege men Almaty oblysy, Kerbulaq aýdanyndaǵy Sh.Ýálıhanovtyń «Altynemel» memorıaldyq mýzeıi qorynan, sondaı-aq muraǵat qorynan alynǵan uly tulǵanyń ómiri men qyzmetine qatysty eksponattar qoıylǵan.Kórmede QR Memlekettik Ortalyq mýzeıi qorynda saqtaýly Shoqannyń jeke buıymdary, qoljazbalary jáne shyǵarmalary, sondaı-aq, ol týraly jaryq kórgen kitaptar men basylymdar nasıhattalady. Kórmege alǵash ret Shoqannyń bórigi men myltyǵynyń dúmi, Qashqar saparynan ákelgen qytaı qumyrasy, saparda alyp júrgen joltorsyǵy jáne «Altynemel» memorıaldyq mýzeıinen ákelingen uly tulǵanyń tutynǵan mys tostaǵany, kúmis qasyǵy, parsha belbeýi sııaqty t.b. zattarymen birge Shoqan Ýálıhanovty IV dárejeli áýlıe Vladımır ordeni, Orys geografııalyq qoǵamynyń tolyq múshesine saılanǵandyǵy týraly dıplomy (kóshirmesi) qoıylǵan. Sondaı-aq Shoqannyń ekspedıııa barysynda ákelingen baǵaly tastary da qoıyldy.Kórmeniń eleýli bóliginde Shoqannyń týysqandyryna qatysty eksponattar da oryn alǵan: qaryndasy Tájibaıdyń aqqý terisinen tigilgen biregeı ishigi, ápkesi Ápııaniń kóılegi, qaryndastary Bádiǵuldyń beshpenti, Nurılanyń oramaly, naǵashysy Isa Shormanovtyń shekpeni sııaqty jádigerler erekshe den qoıdyrady.Kórmeniń mazmunyn asha túsýge QR MOM qoryndaǵy N.Ia. Tretıakov, N.G. Hlýdov, P.I.Dıakov, A.M.Martova syndy sýretshiler salǵan Shoqannyń portretteri men sol zamannyń kórinisin beıneleıtin sýretter de qoıyldy. Sonymen birge kórmede QR Ortalyq Memlekettik muraǵaty men QR Kınofotoqujattar jáne dybysjazbalarynyń muraǵatynda saqtalǵan Shoqannyń qoljazbalary, qujattarynyń kóshirmelerimen birge derekti fılmder kórsetiledi. Sondaı-aq, Ortalyq Ǵylymı kitaphananyń qorynan alynǵan ǵalymnyń ómir joly men shyǵarmashylyǵyna arnalǵan eńbekter kórmesi de usynylady.Kórme aıasynda ótkiziletin «Shoqannyń ǵylymı ónegesi» atty dóńgelek ústelde uly ǵalymnyń murasynyń máni men mańyzy, onyń ıgerilýi týraly tarıhshy, etnograf, ónertanýshy, fılosof, geograf, fılolog, mýzeıtanýshy jáne t.b. mamandar baıandama jasap, óz oılarymen bólisedi.
Kórme 2015 jylǵy jeltoqsannyń 9-y kúni saǵat 15. 00-de ashylady.
KAZMUSEUM.KZ
