Aqtóbede áskerı bólimderdiń birinde merzimdi qyzmettegi sarbaz qaza tapty, dep habarlaıdy "Adyrna" ulttyq portaly.
Bul týraly Aqtóbe garnızonynyń baspasóz qyzmeti resmı málimdedi.
"Osy jyldyń 23 qarashasynda Aqtóbe garnızonynyń áskerı bólimderiniń birinde qaraýyldyq qyzmet atqarý barysynda merzimdi qyzmettegi sarbaz bekitilgen qarýdan ózin-ózi atyp, sýııd jasady", – delingen baspasóz habarlamasynda.
Oqıǵanyń sebepteri men mán-jaıy anyqtalýda.
Atalǵan fakti boıynsha qylmystyq is qozǵalyp jatqandyqtan, tergeý múddesine baılanysty ózge aqparat jarııalanbaıdy, dep qosty baspasóz qyzmeti.
Qurlyq áskerleri qolbasshylyǵy qaza tapqan sarbazdyń jaqyndary men týystaryna kóńil aıtty.
Buǵan deıin UQK Shekara qyzmetiniń baspasóz qyzmeti Shyǵys Qazaqstan oblysynda merzimdi qyzmettegi sarbazdyń otbasyndaǵy janjal saldarynan óz-ózine qol jumsaǵany týraly habarlaǵan edi.
