Ulttyq qundylyqtaryn bárinen joǵary qoıatyn túrikmen halqy osyǵan deıin sheteldik azamattarǵa turmysqa shyǵýǵa nıetti qyzdaryna tólenetin qalyń maldyń baǵasyn kóterip edi. Endi el basshylyǵy arýlardyń ádemiligin saqtap qalý maqsatynda, olarǵa juqa kóılek kııýge tyıym saldy. 2012 jyldyń sáýirinen bastap balalar kitaphanalary, respýblıkalyq mýzyka mektebi, konservatorııa jáne mýzyka ýchılıesiniń qyz-kelinshekteri ulttyq oıý-órnekpen ádiptelgen kóılek qana kıedi. Aıtalyq, kóılek jeńiniń ushy alaqannyń ortasyna deıin túsip turýy kerek, mata bir tústi jáne úlbirep, dene kórinip turmaýy tıis. Bul nusqaýǵa Mádenıet mınıstri Gýncha Mamedova qol qoıǵan.
Qysqasy, shıfon sekildi móldir matadan kóılek kııýge múlde bolmaıdy. Deneni ashyq-shashyq ustaıtyndarǵa eskertý jasalyp, qatań sógis beriledi. Al jumys barysynda jeńi uzyn kóılek kııýge bolmaıtynyna shaǵymdanǵan mýzyka mektebiniń ustazdaryna jumystan shyǵýǵa ótinish jaza berýlerine keńes berilgen.
