14 mausymda Vaşingtonda AQŞ armiiasynyŋ 250 jyldyǧyna arnalǧan keŋ auqymdy äskeri parad öttı, dep habarlaidy "Adyrna" ūlttyq portaly.
DW habarlaǧandai, parad AQŞ prezidentı Donald Tramptyŋ 79 jasqa tolǧan künımen tūspa-tūs kelen. Parad barysynda prezident halyq aldynda söz söilep, jaŋa sarbazdardy saltanatty türde äsker qataryna qabyldady.
Paradqa şamamen 6600 äskeri qyzmetker, 50 tıkūşaq jäne M1 Abrams tankterı qatysqany habarlandy. Osyǧan bailanysty qalada qauıpsızdık şaralary küşeitılgen.
Tramp jūbaiy Melaniiamen bırge saltanatty şaraǧa qatysyp, tribunadan paradty tamaşalady.
"AQŞ armiiasyna qoş keldıŋızder! Ömırlerıŋızde sättılık tıleimın!" – dedı prezident Tramp.Däl osy künı AQŞ-tyŋ bırneşe qalasynda Donald Tramptyŋ saiasatyna qarsy narazylyq şerulerı öttı. «Patşaǧa jol joq» ūranymen ötken mitingter ūiymdastyryldy. Ereuılşıler avtoritarizmge, milliarderler müddesın közdeitın saiasatqa jäne demokratiianyŋ militarizasiialanuyna qarsylyq bıldırudı maqsat etken. Narazylyq şaralary Niu-Iork, Filadelfiia, Hiuston, Los-Andjeles sekıldı qalalarda öttı. Alaida Minnesota ştatynda josparlanǧan miting soŋǧy sätte toqtatyldy. Sebebı sol künı ştatta Demokratiialyq partiianyŋ ekı saiasatkerıne şabuyl jasalyp, bıreuı qaza tapty. Küdıktınıŋ kölıgınen «Patşaǧa jol joq» dep jazylǧan qaǧazdar tabylǧan.
Ūqsas jaŋalyqtar
