AQSh prezıdenti Donald Tramp Ýkraına basshysy Vladımır Zelenskııdi soǵysty tez arada toqtatýǵa shaqyryp, ony saılaý ótkizýden bas tartqany úshin aıyptady, dep habarlaıdy "Adyrna" ulttyq portaly.
Tramptyń aıtýynsha, Zelenskıı tek "myqty komık" retinde tanylǵan jáne onyń Ýkraınadaǵy reıtıngi 4% ǵana. Ol Zelenskııdiń AQSh-ty jeńý múmkin emes soǵysqa 350 mıllıard dollar jumsaýǵa kóndirgenin synap, bul soma Eýropanyń qarjylaı qoldaýynan 200 mıllıard dollarǵa artyq ekenin aıtty. Sonymen qatar, AQSh bul qarajatqa eshqandaı kepildik almaǵanyn alǵa tartty.
Tramp Ýkraına basshysyn bólingen qarajattyń bir bóligin joǵaltyp jiberdi dep aıyptap, saılaý ótkizbeı, bılikte qalý úshin túrli aıla qoldanǵanyn jetkizdi. Onyń pikirinshe, Ýkraına basshysy Reseımen beıbit kelissózder júrgizýge qarsy áreket etýde.
"Saılanbaǵan dıktator Zelenskıı tez áreket etýi kerek, áıtpese onyń elinen túk qalmaıdy. Bul arada biz Reseımen soǵysty toqtatý týraly sátti kelissózder júrgizip jatyrmyz. Sebebi bári muny tek Tramp pen Tramp ákimshiligi jasaı alatynyn moıyndaıdy", – dedi ol.
TASS málimetinshe, Zelenskıı Tramptyń aıyptaýlaryn joqqa shyǵardy. Ýkraınada júrgizilgen áleýmettik saýalnamaǵa sáıkes, el turǵyndarynyń 57%-y oǵan senim bildiredi. Zelenskıı Tramptyń Ýkraınany Saýd Arabııasyndaǵy kelissózderge qatystyrmaǵanyn synǵa aldy jáne onyń Reseı tarapynan taraǵan jalǵan aqparatqa sengenin aıtty.
Tramptyń bul málimdemeleri Eýropada, ásirese Germanııada alańdaýshylyq týdyrdy. Germanııa kanleri Olaf Shol AQSh-tyń kelissózderdegi ustanymyn ózgertkenin málimdep, Ýkraına bul proestiń negizgi qatysýshysy bolýy kerek ekenin aıtty.
AQSh-tyń vıe-prezıdenti Djeı Dı Vens Zelenskııge Tramppen qoǵamdyq qaqtyǵystardan saqtanýǵa keńes berdi, sebebi bul jaǵdaıdy odan ári shıelenistirip jiberýi múmkin. Sonymen qatar, Kıevke Tramptyń arnaıy ókili Kıt Kellog keldi, bul máseleniń AQSh úshin mańyzdylyǵyn kórsetedi.
Aıta keteıik, buǵan deıin Reseı prezıdenti Vladımır Pýtın Tramppen kezdesýge daıyn ekenin málimdegen edi.
