Ýkraına prezıdenti Vladımır Zelenskıı AQSh prezıdenti Donald Tramppen Aq úıdegi kezdesýden keıin alǵashqy málimdemesin jasady, dep habarlaıdy "Adyrna" ulttyq portaly.
"Rahmet, Amerıka, qoldaýyń úshin rahmet, osy sapar úshin rahmet. Prezıdentke, Kongresske jáne Amerıka halqyna rahmet. Ýkraınaǵa ádil ári turaqty beıbitshilik kerek, biz sol úshin jumys istep jatyrmyz", – dep jazdy Zelenskıı X áleýmettik jelisinde.
28 aqpanda Aq úıde Ýkraına men Reseı arasyndaǵy beıbit kelisimge qatysty joǵary deńgeıdegi kelissóz ótti. Oǵan AQSh prezıdenti Donald Tramp, Ýkraına prezıdenti Vladımır Zelenskıı jáne AQSh vıe-prezıdenti Djeı Dı Vens qatysty. Alaıda, kezdesý barysynda taraptar arasynda qatty kıkiljiń týyndap, nátıjesinde baspasóz konferenııasy ótpeı qaldy.
Kezdesý aldynda Zelenskıı Reseı prezıdenti Vladımır Pýtınmen kelisimge kelý múmkin emestigin aıtty. Al Tramp álem úshinshi dúnıejúzilik soǵys aldynda turǵanyn málimdedi.
Janjaldan keıin Ýkraına delegaııasy Aq úıden ketip qaldy.
Kelissózden keıin kóp uzamaı Aq úı bul jaıtqa qatysty pikir bildirdi. BAQ málimetinshe, AQSh tarapynyń málimdemesinde:
"Amerıkany eshkim eshqashan paıdalana almaıdy" degen sóz aıtylǵan.
Bul oqıǵa Vashıngton men Kıev arasyndaǵy qarym-qatynasqa qalaı áser etetini belgisiz. Aldaǵy ýaqytta eki el basshylarynyń taǵy da kezdesýi múmkin be, joq pa – ol jaǵy ázirge belgisiz.
