Qazaqstanda soŋǧy 10 jylda ekı ǧana därını (iod jäne kalii iodidı) jasauǧa 6 milliardqa juyq teŋge jūmsaldy. Degenmen, būl preparattar densaulyq saqtau jüiesınde älı de qoldanylmaidy jäne eşqandai medisinalyq formuliarǧa engızılmegen. Būl turaly Mäjılıs deputaty Ashat Aimaǧambetov parlamentte söilegen sözınde aitty.
“Därını tırkeu üşın, öte kürdelı biurokratiialyq räsımderden ötu kerek. Ärine mūndai qiyndyqtardan ötu, tek alpauyt farmasevtikalyq kompaniialar jäne qymbat preparattar üşın mümkın. Nätijesınde, arzan, bıraq nauqastar üşın auadai qajet därıler tırkelmei qalady. Öitkenı ol üşın jügıretın ynta da joq, qyzyǧuşylyq ta joq”, - dedı Mäjılıs deputaty Ashat Aimaǧambetov.
Farmasevtika salasyndaǧy bar bylyqty deputattar aldyna jaiyp salǧan Joǧary auditorlyq palata salanyŋ äbden qojyraǧanyn aitty. 45 myŋ pasient dertıne daua bolatyn därısın tappai sandalyp qalǧan. Barlyǧyna sebep - qajettı preparattar qoimalarda şırıp, ömırlık maŋyzy bar därıler jeter jerıne jetpegen. Osylaişa 21 mlrd teŋge ysyrap bolyp, salanyŋ berekesı ketıptı. Al būǧan jol bergender tek jūmysynan şyǧarylyp, qylmystyq jauapkerşılıkke tartylmaǧan. Sondyqtan deputattar jazadan oŋai sytylyp ketkenderdıŋ atyn atap, tüsın tüstep, qūzyrly organdarǧa qaita tabystaudy ūsyndy.
“Mäselen 2024 jyly elımızdegı myna naryqta bar därı-därmektıŋ 84 paiyzy şeteldık önım ekenı belgılı boldy. Qala berdı myna soŋǧy 5 jylda bızdıŋ şetelderden satyp alǧan därı-därmekke jūmsaǧanymyz 1, mlrd dollardan 1,7 mlrd dollarǧa deiın jettı. Al özımız bılemız memleket basşysy otandyq därı-därmektıŋ ülesı elu paiyz bolu kerek dedı. Būǧan qalai jetpek ekenı tüsınıksız”, - dedı Mäjılıs deputaty Nartai Särsenǧaliev.
