Ötken apta ışınde eldıŋ türlı öŋırlerınde esırtkı qylmystaryna qarsy ıs-qimyl bölınısterınıŋ qyzmetkerlerı esırtkınıŋ zaŋsyz ainalymyna qatysty bırqatar qūqyqbūzuşylyqty anyqtap, jolyn kestı, dep habarlaidy “Adyrna”.
Jalpy 83 esırtkı qylmysy anyqtaldy, onyŋ ışınde:
- 63 ötkızu deregı;
- asa ırı kölemde saqtaudyŋ 8 deregı;
- 1 ūiymdasqan qylmystyq top; qūramynda esırtkısı bar ösımdıkterdı ösırudıŋ 7 faktısı.
Tärkılengen esırtkı zattarynyŋ jalpy kölemı 750 kelıden asty, onyŋ ışınde 6 kelıden astam sintetikalyq zattar alyndy, būl "qara naryqtaǧy" 18 myŋnan astam dozaǧa teŋ.
Batys Qazaqstan oblysynda polisiia qyzmetkerlerı Atyrau qalasynan a-pvp sintetikalyq esırtkısınıŋ ırı partiiasyn alyp kelgen 20 jäne 37 jastaǧy ekı er adamdy ūstady. Tergeu barysynda küdıktılerdıŋ bırınıŋ tūrǧylyqty mekenjaiynda 1,2 kelıden astam sintetikalyq esırtkı, sondai-aq tarazy, qaptama materialdary men buyp-tüiuge arnalǧan qūraldar tärkılendı.
Almaty qalasynda jedel ıs-şaralar barysynda 44 jastaǧy er adamnyŋ basqaruyndaǧy avtokölık toqtatylyp, jük salǧyşynan ūntaq tärızdı zat salynǧan tört paket tabyldy. Saraptama nätijesınde zattyŋ jalpy salmaǧy 1,35 kelı mefedron ekenı anyqtaldy. Küdıktınıŋ būl zattyŋ bır bölıgın dostarymen bırge tūtynǧany, qalǧanyn şamamen 5 mln teŋgege satudy közdegenı belgılı boldy.
Barlyq küdıktı ūstalyp, uaqytşa ūstau izoliatoryna qamaldy. Esırtkı qylmystarymen küres jūmystary jüielı türde jürgızılude jäne eldıŋ barlyq öŋırlerın qamti otyryp, qoǧamdyq tärtıp pen qauıpsızdıktı qamtamasyz etuge baǧyttalǧan, - dedı IIM esırtkı qylmysyna qarsy ıs-qimyl komitetı töraǧasynyŋ orynbasary Quandyq Äljanov.
