Mausym aiynyŋ basynda Qazaqstan men Özbekstan arasyndaǧy şekara beketterınde keptelıs qalyptasty, dep habarlaidy “Adyrna” ūlttyq portaly.
Jürgızuşıler bır täulıkten asa uaqyt şekaradan öte almai tūrǧandaryn, künnıŋ ystyǧy men qajettı jaǧdailardyŋ joqtyǧy qolaisyzdyq tuǧyzǧanyn aituda.
Keptelıstıŋ basty sebebı – 6 mausymda toilanatyn Qūrban ait merekesıne bailanysty halyq qozǧalysynyŋ artuy. Osyǧan orai şekaradan ötuşılerdıŋ sany köbeiıp, jükteme bırneşe esege artqan. Būǧan qosa, basqa bırneşe ötkızu beketterınıŋ uaqytşa jabyluy sebeptı kölık pen jük aǧyny Qaplanbek, Iаllama sekıldı beketterge baǧyttalǧan.
Eŋ ülken mäsele – şekaradaǧy eŋ ırı jäne qolaily «Jıbek joly – Giştkuprik» (būrynǧy Cherniaevka) beketınıŋ jöndeu jūmystaryna bailanysty uaqytşa jabyluy. Būl beket täulık boiy jūmys ısteitın, kölık, jolauşylar men poiyzdardy ötkızetın basty ötkelderdıŋ bırı bolatyn. Qazır onyŋ jabyluy saldarynan barlyq jükteme Qaplanbek – Navoi beketıne tüstı. Alaida būl ötkızu punktı tek jaiau jürgınşıler üşın jūmys ısteidı jäne tek kündızgı uaqytta ǧana aşyq bolǧandyqtan, kölık tasymalyna müldem jaramai otyr.
Taǧy bır ötkızu beketı – Qazyǧūrt – Maiskii – tek jük kölıkterıne arnalǧan. Bıraq onyŋ ötkızu mümkındıgı qazırgı jaǧdaiǧa säikes kelmeidı. Al Iаllama şekara beketı Taşkentten alys ornalasqandyqtan, jaǧdaidy jeŋıldete almai otyr. Özbekstannyŋ Keden komitetı Iаllamada qosymşa qyzmetkerler jūmysqa tartylǧanyn jäne räsımdeu üderısın jedeldetu şaralary qolǧa alynǧanyn habarlady.
Jürgızuşıler men sarapşylar şekaradaǧy infraqūrylymnyŋ mereke kezındegı jüktemenı kötere almai jatqanyn aityp, mäselenı jüielı türde şeşu qajettıgın alǧa tartuda.
Ūqsas jaǧdai Qazaqstannyŋ Reseimen şekarasynda da tırkelude. Eldıŋ batysyndaǧy ötkızu beketterınde jük kölıkterınıŋ 10 şaqyrymdyq kezegı paida bolǧan. Jürgızuşıler ol jaqta da bırneşe täulık boiy kezekte tūruǧa mäjbür.
Sarapşylar qoldanystaǧy şekara beketterın jaŋǧyrtu jäne jaŋa ötkızu punktterın aşu qajettıgın jiı aityp jür. Sebebı Qazaqstan men Özbekstan arasyndaǧy sauda-sattyq pen halyqtyŋ qozǧalysy jyl saiyn artyp keledı. 2025 jyldyŋ nauryz aiynda Özbekstan, Qyrǧyzstan jäne Täjıkstan prezidentterı şekara infraqūrylymyn jetıldıru jäne logistikalyq habtar qūru mäselesın talqylaǧan bolatyn.
Qazırgı jaǧdaiǧa bailanysty resmi organdar tarapynan naqty mälımdeme jasalǧan joq. Al jürgızuşıler bilıkten şūǧyl şeşımder qabyldap, şekaradaǧy kezekterdı azaitudy talap etude.
Ūqsas jaŋalyqtar
