Qyrǵyzstandaǵy qaqtyǵystan soń birneshe pákistandyq shekaradan zańsyz ótip ketpek bolǵan, dep habarlaıdy "Adyrna" ulttyq portaly 24kg-ǵa siltep.
Basylymnyń búgin jarııalaǵan derekterinde habarlanǵandaı, «Vasılevka» shekara zastavasynyń jaýapty aýmaǵynda túngi reıd barysynda Qyrǵyzstannyń Qazaqstanmen memlekettik shekarasyn zańsyz kesip ótpek bolǵan Pákistannyń alty azamaty ustalǵan.
Memlekettik shekarany zańsyz kesip ótý áreketine qatysty qylmystyq is qozǵaldy. Alty sheteldik Bishkek qalalyq ishki ister basqarmasynyń ýaqytsha ustaý ızolıatoryna qamaldy.
Aıta keteıik, 17 mamyr kúni keshke Bishkekte sheteldikterge qarsy narazylyq bastalǵan. Artynsha 19 mamyr kúni Pákistan óz stýdentterin elden alyp ketkeni týraly jazǵan bolatynbyz.
