2025 jyldyŋ 2 şıldesınen «Otbasy bank» AQ aldyn ala jäne aralyq tūrǧyn üi zaemdaryn merzımınen būryn tolyq öteu tärtıbıne özgerıs engızedı. Būl turaly banktyŋ baspasöz qyzmetı mälımdedı, dep habarlaidy “Adyrna”.
Qandai özgerıster bar?- Jinaq avtomatty türde qaryzdy jabuǧa ketedı. Eger klient aldyn ala nemese aralyq zaemdy tolyq merzımınen būryn öteitın bolsa, oǧan bailanǧan depozittegı barlyq jinaq somasy avtomatty türde qaryzdyŋ negızgı somasyn öteuge jūmsalady.
- Depozit şarty būzylady. Qaryz tolyq jabylǧan soŋ, tūrǧyn üi qūrylys jinaqtary turaly şart mındettı türde toqtatylady.
- Jaŋa zaem alu üşın jaŋa depozit qajet. Keiıngı kezeŋde jaŋa tūrǧyn üi zaemyn alu üşın klient jaŋa depozit aşuy kerek nemese būrynǧy qaryzǧa qatysy joq depozitın paidalana alady.
Baspasöz qyzmetınıŋ habarlauynşa, būl qadam tūrǧyn üi qūrylys jinaqtary (TQJ) jüiesınıŋ tūraqtylyǧyn saqtau maqsatynda qolǧa alynǧan. TQJ jüiesı özara qoldau qaǧidatymen jūmys ısteidı: keibır salymşylar qarajat jinap jatqanda, basqalary osy jinaqtar esebınen jeŋıldetılgen mölşerlememen (jyldyq 3,5%-dan 8,5%-ǧa deiın) nesie ala alady.
Būryn aldyn ala nemese aralyq zaem alǧan klientter, negızınen, tūrǧyn üi jaǧdailaryn jaqsartu maqsatyn jüzege asyryp ülgerdı. 2025 jyldyŋ 2 şıldesınen bastap, eger olar qaryzyn tolyq merzımınen būryn öteitın bolsa, onda depozittegı jinaq sol qaryzdy jabuǧa baǧyttalady jäne būl depozit jabylady.
Būǧan deiın būl erejeler 2 mausymda küşıne enuı tiıs bolǧan, bıraq bank klientterge beiımdeluge qosymşa uaqyt beru üşın engızu merzımın bır aiǧa şegerdı.
