Birqatar BAQ-ta kartadan kartaǵa jasalǵan aýdarymdarǵa 12 paıyzdyq qosylǵan qun salyǵymen (KQS) salyq salynatyndyǵy týraly aqparat tarady. Bul norma jańa Salyq kodeksiniń jobasynda bar dep habarlanǵan. Qazaqstannyń Ulttyq ekonomıka mınıstrligi bul jaǵdaıǵa qatysty málimdeme jasady, dep habarlaıdy "Adyrna" ulttyq portaly.
Májilis depýtaty Ashat Aımaǵambetovtyń aıtýynsha, bul aqparat qate. Mınıstrliktiń málimdeýinshe, bul tek bankterdiń qyzmeti úshin alynatyn komıssııalarǵa qatysty másele. Mysaly, aýdarymdar nemese karta shyǵarý qyzmeti úshin alynatyn komıssııalar.
"Azamattardyń aqshasyna salyq salynbaıdy. Buryn bankter qarjylyq operaııalar boıynsha salyqtyq jeńildikter alyp, sol tabystan salyq tólemeıtin. Jańa Salyq kodeksiniń jobasynda osy jeńildikterdi alyp tastaý usynylyp otyr", — dep túsindirdi mınıstrlik.
Sondaı-aq, bir banktiń ishindegi aqsha aýdarymdary ádette komıssııasyz júzege asatyndyǵyn atap ótti. Sondyqtan mundaı jaǵdaılarda salyq salynbaıdy. Mysaly, eger bank klıentten 100 teńge komıssııa alsa, onyń 12 teńgesi qosylǵan qun salyǵy retinde tólenýi qajet.
Jańa Salyq kodeksi 2025 jyldyń shildesine deıin qabyldanýy tıis edi. Biraq Qazaqstan Prezıdenti Qasym-Jomart Toqaev onyń qabyldanýyn keıinge shegerýdi tapsyrdy.
