Jelıde "Qūnanbaidyŋ qatelıgı" taqyryby söz bolyp jatyr eken...
Filosofty qyzyqtyratyn-aq sūraq būl...
Oilana kele mynadai oi tüidım:
- Jaŋaşyldyqty qaidan ızdeudı bılmei jantalasqan tūlǧa beinesı osy ma deimın...
Ol üşın kımdı kınalai alamyz?
Oǧan jön sılter adam tabylar ma edı sol maŋaidan, sol kezde?
Būl - sol zamanda zaman köşınen qala bastaǧan qazaq halqynyŋ şaruaşylyq täsılı - köşpendı mal şaruaşylyǧy tudyrǧan kürdelı qaişylyqtardyŋ jäne onyŋ eskırgenınıŋ ūşqyny desek bolady...
Alaida, ol şaruaşylyq täsılı naǧyz rysarlardy ösıretın tabiǧi-ruhani küşke ie edı.
Sondyqtan, ömır süru qalybyn ekonomikalyq özgerıs jasai otyryp, qazaqtar özınıŋ ūlttyq tärbie jüiesın saqtauǧa meilınşe ūmtyluy kerek edı.
Alaida osyny ūsynarlyq kösem şyǧa qoimady öz uaqytynda.
Sol sebeptı, bailar men oǧan deŋgei tūlǧalar özgeler äkelıp jatqan dının jäne özgelerdıŋ şaruaşylyq jetıstıgın maqtan etıp, öz tärbie jüiesın synauǧa köştı...
(Onyŋ lebı Abaiǧa da jūqqan).
Söitıp, ömırge Ūly revoliusionerlerdı äkele alatyndai qazaq ūlttyq tärbie jüiesı de tamyrynan sola bastady...
Söitıp, potensiialy öte myqty būl tärbie jüiesı müldem joiylyp ketpei, ılınıp-salynyp qazırgı zamanǧa jettı, äiteuır...
Būl zamanda ǧylym şaryqtap damydy.
Sol ǧylym "qazaq tärbie jüiesınıŋ" öte myqty adami potensiialy joǧary ekenın baiqap, ony özıne "ǧylymi jaŋalyqtar" retınde qaitadan engızıp jatyr...
Mäselen, bügıngı Europada bızdıŋ ǧalymdardyŋ "täŋırşılık" turaly jazǧandaryna tamsana qaraityn boldy.
Sebebı, Qūrmanǧazy küilerınde qandai ERKIN RUH bar bolsa, Täŋırlık sanada sol - Adami Erkın Ruh bar ekenın mädeniettı europalyqtar bırden baiqap, taŋ qaluda...
Bügıngı älem, bügıngı zaman - tehnologiialyq sekırıs bolsa, al būl Älemnıŋ, būl Zamannyŋ adamy - köne köşpendı serılerındei, iaǧni - rysarlaryndai bolsa degen arman qaita paida boldy!
Mıne, būl zamannyŋ ūmtylysy osy!
Qazaq qoǧamy, ökınışke orai, özınıŋ osy potensiialyn özı qabyldamai jatyr...
Qūldyq qamytyn şeşu - oǧan qiyn bolyp jatyr.
Odan ajyrasa jalaŋaş qalardai qorqady.
Endı, qazaqtyŋ janyn tek "tehnologiialyq sekırıs" pen "ūlttyq memleketın küşeitu" ǧana qūtqara alady...
Ǧylym men bılım sonyŋ ışınde.
Al, Ūlttyq dünietanym men tärbie - perde arasynda jasyryn syǧalap tūr.
Endı tek perdenı sypyryp, qazaqtyŋ taza bolmysyn aşu ǧana kütıp tūr bızdı!
Bügıngı bır tamşy oiym osy...
Äbdıraşit Bäkırūly, filosof
Ūqsas jaŋalyqtar
