Jetısu oblysynyŋ äkımı Beibıt İsabaev qalyptasqan dästür boiynşa bügın Ūly Otan soǧysynyŋ ardagerlerı, taldyqorǧandyq Ysqaq Qūsaiynov pen Töleubai Şektıbaevtyŋ şaŋyraǧyna baryp, Ūly Jeŋıstıŋ 80 jyldyǧymen arnaiy qūttyqtady. Ardagerlerge 80 jyldyq mereitoilyq medal jäne Prezidenttıŋ qūttyqtau hatyn tapsyrdy, dep habarlaidy Jetısu oblysy äkımınıŋ baspasöz qyzmetı.
Öŋır basşysy aldymen Ysqaq Qūsaiynovtyŋ üiınde bolyp, soǧys ardagerın mereilı merekemen qūttyqtady. Ysqaq Älpeiısūly maidanǧa öz erkımen 1942 jyly attanyp, Otan aldyndaǧy boryşyn Amur äskeri-teŋız flotynda ötegen. «Äskeri-teŋız flotynyŋ üzdıgı» ataǧyn alǧan. Ardagerdıŋ soǧystaǧy da, beibıt ömırdegı de marapattary bırşama. II därejelı Otan soǧysy, Eŋbek Qyzyl Tu ordenderı, «Eŋbek Erı» medalı jäne basqa da marapattary bar. «Halyq aǧartu ısınıŋ üzdık qyzmetkerı» atanǧan, öitkenı ardager ömırınıŋ köp bölıgın ūrpaq tärbiesıne arnap, 1952 jyldan berı bılım beru salasynda jemıstı eŋbek etken.
Mūnan soŋ öŋır basşysy biyl 100 jasqa toyp otyrǧan Töleubai Şektıbaev aqsaqaldyŋ şaŋyraǧyna bardy. Maidan dalasyna 18 jasynda attanǧan Töleubai aqsaqal 1943-1944 jyldary Amur maŋyndaǧy qiyr şyǧys şekarasyn qorǧaǧan eken. Majarstandaǧy Balaton özenıne deiın nemıs basqynşylarynan azat etu ūrysyna qatysqan. Al 1945 jyly 83-şı atqyştar diviziiasynyŋ qūramynda japon äskerıne qarsy soqqy berıp, Harbin qalasyn azat etuşıler qatarynda boldy. I därejelı Otan soǧysy ordenımen, «Erlıgı üşın» medalımen nagradtaldy.
Ardagerlerdı Ūly Jeŋıs künı merekesımen qūttyqtap, 80 jyldyq mereitoilyq medal men Prezidenttıŋ qūttyqtau hatyn tabystady.
- «Ūly Jeŋıstıŋ 80 jyldyǧy qūtty bolsyn.Sūrapyl soǧys jyldarynda Otan üşın ot keşıp, batyldyq pen batyrlyqtyŋ ülgısın körsettıŋızderBız ardagerlerımızdıŋ eren erlıgın eşqaşan ūmytpaimyz. Maidangerlerdıŋ erjürektılıgı – öskeleŋ ūrpaq üşın öşpes önege. Özıŋızge beibıt ömırımız üşın barşa halqymyzdyŋ atynan şynaiy rizaşylyǧymdy bıldıremın. Özıŋızge zor densaulyq, amandyq tıleimın», – delıngen Prezidenttıŋ qūtttyqtau hatynda, - dep oblys äkımı Beibıt İsabaev hat mätının oqyp berdı.
Ekı ardagerge sol siiaqty gül şoqtaryn, jemıs sebetterı men estelık syilyqtar tabys etıldı.
Al äleumettık qoldau şaralaryna kelsek, biyl Ūly Otan soǧysynyŋ qatysuşylary men mügedekterıne, sondai-aq olarǧa teŋestırılgenderge bırjolǧy materialdyq kömek körsetuge – jalpy sany 3 215 adamǧa 393,8 mln.teŋge bölındı. Atap aitqanda, 3 maidangerge 5 mln. teŋgeden, sol siiaqty 1564 tyl eŋbekkerıne 100 myŋ teŋgeden bır rettık qarjylai kömek berıldı. Otan soǧysyna qatysuşylar men mügedekterıne materialdyq qoldaudan bölek, kommunaldyq şyǧyndaryna 3 ailyq eseptık körsetkış mölşerınde ai saiynǧy ötemaqy türınde jeŋıldıkter qarastyrylǧan. Sondai-aq ŪOS mügedekterıne jäne olarǧa teŋestırılgen mügedektıgı bar ardagerlerge oŋaltudyŋ jeke baǧdarlamasy negızınde jäne qajettılıgıne qarai tehnikalyq oŋaltu qūraldary berıledı. Sonymen qatar ŪOS ardagerlerı men olarǧa teŋestırılgen tyl eŋbekkerlerıne jylyna bır ret sanatorii-kurorttyq emdeluge tegın joldama berıledı. Atap aitqanda, biyl öŋırde 243 ardagerdı qamtuǧa 50 mln.teŋge qarastyrylǧan.
Atap ötsek, bügınde Jetısu oblysynda Jeŋıstıŋ 80 jyldyǧyna közı tırı 2 soǧys ardagerı kuä bolyp otyr.
Soǧys jyldarynda Jetısudan maidanǧa barlyǧy 120 myŋnan astam adam attandy, solardyŋ 47 myŋy ūrys dalasynan oralmady. Būl rette 38 jetısulyq Keŋes Odaǧynyŋ Batyry, 5-euı Daŋq ordenınıŋ tolyq iegerı, 58-ı II, III därejelı Daŋq ordenınıŋ iegerı atandy. Maidan dalasynda jäne tylda Jeŋıs üşın jan aiamai küresken barşa batyrlardyŋ esımı men erlıgı ūrpaqtar jadynda mäŋgı saqtalady.
