Batys Qazaqstan oblysynyŋ äkımı Nariman Töreǧaliev öŋır tūrǧyndaryna su tasqynyna bailanysty ündeu joldady.
«Qūrmettı Batys Qazaqstandyqtar! Öŋırımızde su tasqynynyŋ saldarynan kürdelı jaǧdai oryn alǧany belgılı. Oblysymyzdyŋ Syrym, Terektı, Qaratöbe, Börlı audandarynda su tasqyny bolyp, tūrǧyn üilerdı su basty. Osynyŋ saldarynan 4 myŋǧa juyq adam qauıpsız jerge köşırıldı, onyŋ jartysy balalar. Tasqynnan zardap şekkenderge jedel evakuasiialyq punktter ūiymdastyrylyp, qajettı jaǧdai jasaluda.
Qūrmettı jerlester! Sondai-aq, Körşıles Resei elınen bastau alatyn 5 transşekaralyq özenderımızde su deŋgeiı köterılude. Sonyŋ saldarynan Kaztalov jäne Jaŋaqala audandaryna baratyn Qara jäne Sary özenderde su deŋgeiı artuda. Qazırgı uaqytta būl öŋırlerde qauıpsızdık şaralary küşeitıldı.
Mamandardyŋ mälımetınşe, sudyŋ deŋgeiı oblysta osydan 30 jyl būryn bolǧan eŋ joǧary körsetkışten asyp kettı. Oral qalasyndaǧy Şaǧan jäne Derköl özenı qauıptı deŋgeige jettı. Sondai-aq, Jaiyq özenınde de su kölemı artuda. Sonyŋ saldarynan Oral qalasy men Bäiterek, Terektı audandaryn su basu qaupı seiılgen joq», - dedı oblysy äkımı.
Sondai-aq ol Oral qalasynyŋ maŋyndaǧy Podstepnoe auylynda da su tasqyny bolyp, qazırgı uaqytta sudy soru, su ötetın jylǧalardy keŋeitu, topyraqpen qorşau jūmystary jürgızılıp jatqanyn atap öttı.
«Qūrmettı jerlester! Bügın Memleket basşysyna oblystaǧy jaǧdaidy baiandadym. Prezident öz tarapynan halyqqa barynşa kömek körsetıletının aitty. Zardap şekkenderdıŋ ärqaisysy Memleket tarapynan berıletın kömekten qalys qalmaidy! Qūtqaruşylar, tötenşe jaǧdai mamandary, kommunaldyq qyzmetter, küştık qūrylymdar, volenterler jäne tūrǧyndarymyz kün demei, tün demei su tasqynymen küresude! Men üşın jerlesterımnıŋ amandyǧy bırınşı orynda! Sondyqtan, tasqynnyŋ aldyn aluǧa baǧyttalǧan barlyq qajettı şaralar atqarylatyn bolady! Osynau qiyn kezeŋde sabyrlyq saqtap, bır-bırımızge qoldau körseteiık! Bız bırgemız!», - dedı oblys äkımı.
Ūqsas jaŋalyqtar
