Bir aıdyń ishinde sý tapshylyǵy tolyǵymen sheshiledi - Astana ákimi

2271
Adyrna.kz Telegram

Astana qalasynyń ákimi Jeńis Qasymbek óziniń áleýmettik jelidegi paraqshasynda qala turǵyndaryna sý tapshylyǵyna qatysty málimdeme jasady, dep jazady "Adyrna" tilshisi. Vıdeo áleýmettik jelide jarııalandy. 

Qala ákiminiń aıtýynsha sý tapshylyǵyna birqatar máseleler sebep bolyp otyr. Onyń birden-biri turǵyndar sanynyń kóbeıýi deıdi ákim.

"Sońǵy aıda sýarý jumysy bastalyp ketti. Ótken aptada bolǵan +30 gradýstan asatyn aptap ystyq osy aptada da jalǵasady dep boljanyp otyr. Búgin de ózderińiz jaqsy bilesizder, kún raıy +30 gradýstan asyp tur. Osydan 2 jyl buryn ákimdik eki jańa nysannyń qurylysyn bastaǵan. Birinshi nysan – qazir ózderińiz kórip otyrǵandaı, mynaý sorǵy stanııasy. Bul nysannyń qurylysy osy aıdyń sońyna deıin tolyǵymen bitedi jáne qalaǵa qajetti kúnine 25 myń kýbometr sý beriletin bolady. Ekinshi nysan – sý qubyry, ıaǵnı Astana sý qoımasynan qalaǵa keletin sý qubyry. Bul nysan da aıaqtalyp qaldy. Kelesi aptada tolyǵymen qurylys jumysy bitedi jáne qalaǵa qajetti sý qysymy beriletin bolady. Sonymen, bir aıdyń ishinde búgingi sý tapshylyǵy máselesi tolyǵymen sheshiledi. Al tamyz aıynda bul stanııanyń ekinshi kezeńiniń qurylysy bitedi. Tıisinshe qalaǵa kúnine qosymsha 85 myń kýbometr sý berilý múmkindigi paıda bolady. Bul aldaǵy 3-4 jylǵa jetkilikti" dep jazdy ol paraqshasynda.

"Adyrna" ulttyq portaly

Pikirler