جەتىسۋ وبلىسىنىڭ اكىمى بەيبىت يساباەۆ قالىپتاسقان ءداستۇر بويىنشا بۇگىن ۇلى وتان سوعىسىنىڭ ارداگەرلەرى، تالدىقورعاندىق ىسقاق قۇسايىنوۆ پەن تولەۋباي شەكتىباەۆتىڭ شاڭىراعىنا بارىپ، ۇلى جەڭىستىڭ 80 جىلدىعىمەن ارنايى قۇتتىقتادى. ارداگەرلەرگە 80 جىلدىق مەرەيتويلىق مەدال جانە پرەزيدەنتتىڭ قۇتتىقتاۋ حاتىن تاپسىردى، دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
ءوڭىر باسشىسى الدىمەن ىسقاق قۇسايىنوۆتىڭ ۇيىندە بولىپ، سوعىس ارداگەرىن مەرەيلى مەرەكەمەن قۇتتىقتادى. ىسقاق الپەيىسۇلى مايدانعا ءوز ەركىمەن 1942 جىلى اتتانىپ، وتان الدىنداعى بورىشىن امۋر اسكەري-تەڭىز فلوتىندا وتەگەن. «اسكەري-تەڭىز فلوتىنىڭ ۇزدىگى» اتاعىن العان. ارداگەردىڭ سوعىستاعى دا، بەيبىت ومىردەگى دە ماراپاتتارى ءبىرشاما. ءىى دارەجەلى وتان سوعىسى، ەڭبەك قىزىل تۋ وردەندەرى، «ەڭبەك ەرى» مەدالى جانە باسقا دا ماراپاتتارى بار. «حالىق اعارتۋ ءىسىنىڭ ۇزدىك قىزمەتكەرى» اتانعان، ويتكەنى ارداگەر ءومىرىنىڭ كوپ بولىگىن ۇرپاق تاربيەسىنە ارناپ، 1952 جىلدان بەرى ءبىلىم بەرۋ سالاسىندا جەمىستى ەڭبەك ەتكەن.
مۇنان سوڭ ءوڭىر باسشىسى بيىل 100 جاسقا توىپ وتىرعان تولەۋباي شەكتىباەۆ اقساقالدىڭ شاڭىراعىنا باردى. مايدان دالاسىنا 18 جاسىندا اتتانعان تولەۋباي اقساقال 1943-1944 جىلدارى امۋر ماڭىنداعى قيىر شىعىس شەكاراسىن قورعاعان ەكەن. ماجارستانداعى بالاتون وزەنىنە دەيىن نەمىس باسقىنشىلارىنان ازات ەتۋ ۇرىسىنا قاتىسقان. ال 1945 جىلى 83-ءشى اتقىشتار ديۆيزياسىنىڭ قۇرامىندا جاپون اسكەرىنە قارسى سوققى بەرىپ، حاربين قالاسىن ازات ەتۋشىلەر قاتارىندا بولدى. ءى دارەجەلى وتان سوعىسى وردەنىمەن، «ەرلىگى ءۇشىن» مەدالىمەن ناگرادتالدى.
ارداگەرلەردى ۇلى جەڭىس كۇنى مەرەكەسىمەن قۇتتىقتاپ، 80 جىلدىق مەرەيتويلىق مەدال مەن پرەزيدەنتتىڭ قۇتتىقتاۋ حاتىن تابىستادى.
- «ۇلى جەڭىستىڭ 80 جىلدىعى قۇتتى بولسىن.سۇراپىل سوعىس جىلدارىندا وتان ءۇشىن وت كەشىپ، باتىلدىق پەن باتىرلىقتىڭ ۇلگىسىن كورسەتتىڭىزدەربىز ارداگەرلەرىمىزدىڭ ەرەن ەرلىگىن ەشقاشان ۇمىتپايمىز. مايدانگەرلەردىڭ ەرجۇرەكتىلىگى – وسكەلەڭ ۇرپاق ءۇشىن وشپەس ونەگە. وزىڭىزگە بەيبىت ءومىرىمىز ءۇشىن بارشا حالقىمىزدىڭ اتىنان شىنايى ريزاشىلىعىمدى بىلدىرەمىن. وزىڭىزگە زور دەنساۋلىق، اماندىق تىلەيمىن»، – دەلىنگەن پرەزيدەنتتىڭ قۇتتتىقتاۋ حاتىندا، - دەپ وبلىس اكىمى بەيبىت يساباەۆ حات ءماتىنىن وقىپ بەردى.
ەكى ارداگەرگە سول سياقتى گۇل شوقتارىن، جەمىس سەبەتتەرى مەن ەستەلىك سىيلىقتار تابىس ەتىلدى.
ال الەۋمەتتىك قولداۋ شارالارىنا كەلسەك، بيىل ۇلى وتان سوعىسىنىڭ قاتىسۋشىلارى مەن مۇگەدەكتەرىنە، سونداي-اق ولارعا تەڭەستىرىلگەندەرگە بىرجولعى ماتەريالدىق كومەك كورسەتۋگە – جالپى سانى 3 215 ادامعا 393,8 ملن.تەڭگە ءبولىندى. اتاپ ايتقاندا، 3 مايدانگەرگە 5 ملن. تەڭگەدەن، سول سياقتى 1564 تىل ەڭبەككەرىنە 100 مىڭ تەڭگەدەن ءبىر رەتتىك قارجىلاي كومەك بەرىلدى. وتان سوعىسىنا قاتىسۋشىلار مەن مۇگەدەكتەرىنە ماتەريالدىق قولداۋدان بولەك، كوممۋنالدىق شىعىندارىنا 3 ايلىق ەسەپتىك كورسەتكىش مولشەرىندە اي سايىنعى وتەماقى تۇرىندە جەڭىلدىكتەر قاراستىرىلعان. سونداي-اق ۇوس مۇگەدەكتەرىنە جانە ولارعا تەڭەستىرىلگەن مۇگەدەكتىگى بار ارداگەرلەرگە وڭالتۋدىڭ جەكە باعدارلاماسى نەگىزىندە جانە قاجەتتىلىگىنە قاراي تەحنيكالىق وڭالتۋ قۇرالدارى بەرىلەدى. سونىمەن قاتار ۇوس ارداگەرلەرى مەن ولارعا تەڭەستىرىلگەن تىل ەڭبەككەرلەرىنە جىلىنا ءبىر رەت ساناتوري-كۋرورتتىق ەمدەلۋگە تەگىن جولداما بەرىلەدى. اتاپ ايتقاندا، بيىل وڭىردە 243 ارداگەردى قامتۋعا 50 ملن.تەڭگە قاراستىرىلعان.
اتاپ وتسەك، بۇگىندە جەتىسۋ وبلىسىندا جەڭىستىڭ 80 جىلدىعىنا كوزى ءتىرى 2 سوعىس ارداگەرى كۋا بولىپ وتىر.
سوعىس جىلدارىندا جەتىسۋدان مايدانعا بارلىعى 120 مىڭنان استام ادام اتتاندى، سولاردىڭ 47 مىڭى ۇرىس دالاسىنان ورالمادى. بۇل رەتتە 38 جەتىسۋلىق كەڭەس وداعىنىڭ باتىرى، 5-ەۋى داڭق وردەنىنىڭ تولىق يەگەرى، 58-ءى ءىى، ءىىى دارەجەلى داڭق وردەنىنىڭ يەگەرى اتاندى. مايدان دالاسىندا جانە تىلدا جەڭىس ءۇشىن جان اياماي كۇرەسكەن بارشا باتىرلاردىڭ ەسىمى مەن ەرلىگى ۇرپاقتار جادىندا ماڭگى ساقتالادى.
