Jetisý oblysynda kásipkerdi qorqytyp, aqsha talap etkender ustaldy. Bul týraly Polisia.kz málimdedi, dep habarlaıdy “Adyrna” ulttyq portaly.
Málimetterge súıensek, kúdiktilerdi Jetisý oblysy Polıııa departamentiniń uıymdasqan qylmysqa qarsy kúres basqarmasynyń jedel qyzmetkerleri arnaıy jasaq jaýyngerleriniń kómegimen Jarkent qalasynda qolǵa túsirgen. Kúdiktiler jergilikti kásipkerden 15 myń qytaı ıýanyn talap etken.
“Uıymdasqan top úsh adamnan turady. Bireýi - Almaty qalasynyń turǵyny, ekinshisi - Almaty oblysynan, úshinshisi - Jetisý oblysynyń turǵyny. Jábirlenýshi olarǵa aqsha berý kezinde ustaldy. Olardyń bireýinen 9 mm kalıbrli 13 patrony bar tapansha (sıgnaldyq) tabylyp, tárkilendi”, – dep habarlady Jetisý oblysy PD UQQKB bastyǵy Sarqytbaı Qusaıynov.
Atalǵan fakt boıynsha tergeý amaldary QR QK-niń 194-babyna sáıkes «Qorqytyp alý» júrgiziledi. Ustalǵan adamdar ýaqytsha ustaý ızolıatoryna qamaldy.
