Qazaqstan Respublikasy Ūlttyq qauıpsızdık komitetı (ŪQK) äleumettık jelılerde taraǧan feik aqparat turaly resmi mälımdeme jasady, dep habarlaidy "Adyrna" ūlttyq portaly Kazinform-ǧa sıltep.
Äleumettık jelılerde ŪQK baspasöz qyzmetınıŋ atynan jariialanǧan jalǧan habarlama tarap ketken. Onda Telegram platformasynda «Mäŋgılık polk» aksiiasyna qarsy ritorika taratuşylar, boikotqa ündegender jäne qoǧamda alauyzdyq tuǧyzatyn basqa da äreketterge barǧan azamattar turaly mälımet jinaityn arnaiy bot ıske qosylǧany turaly aitylǧan.
Alaida, vedomstvo būl aqparattyŋ şyndyqqa janaspaitynyn, iaǧni feik ekenın naqtylap, mälımdemede:
«Atalǧan "mälımdeme" jalǧan, ondaǧy aqparat şyndyqqa säikes kelmeidı» – dep atap öttı.
ŪQK azamattardy tek resmi derekközderge ǧana senuge jäne jalǧan habarlamalardy taratpauǧa şaqyrdy.
