TikTok-ta "menı alyp qaşty" dep jalǧan mälımet taratqan qyz aiyppūl arqalady. Būl turaly Almaty oblysynyŋ Qarasai audanaralyq äkımşılık qūqyq būzuşylyqtar jönındegı mamandandyrylǧan soty aitty, dep habarlaidy «Adyrna» tılşısı.
Boijetkenge qatysty ıs Äkımşılık qūqyq būzuşylyq turaly kodeksınıŋ 456-2-babynyŋ 3-bölıgı boiynşa qaralǧan.
«2026 jylǧy 15 qaŋtarda şamamen saǧat 20:00-de azamatşa K. «TikTok» äleumettık jelısınde özıne qatysty ūrlap ketu faktısı oryn alǧany jönınde beine jazbany jariialaǧany anyqtaldy. Atalǧan beinejazba äleumettık jelı paraqşasynda taralyp, qyzdy mäjbürlep nekege tūrǧyzu belgılerı bar beinematerial retınde ūsynylǧan. Sot otyrysynda azamatşa K. öz kınäsın tolyq moiyndap, beinejazbany köp qaralym jinau maqsatynda salǧanyn, jasaǧan äreketıne ökınetının tüsındırdı»,- delıngen habarlamada.
Is materialdaryn zerdelei kele, sot azamatşa K.-nyŋ äreketterınde qylmystyq qūqyq būzuşylyq belgılerı joq, alaida äkımşılık qūqyq būzuşylyq qūramy bar degen qorytyndyǧa kelgen.
Sot qaulysymen azamatşa Qazaqstan Respublikasynyŋ ÄQBtK-nıŋ 456-2-babynyŋ 3-bölıgı boiynşa kınälı dep tanylyp, 20 ailyq eseptık körsetkış mölşerınde äkımşılık aiyppūl salynǧan. Azamatşa K. äkımşılık qūqyq būzuşylyqty alǧaş ret jasaǧany jäne jasaǧan äreketıne ökınetının eskere otyryp, aiyppūl somasy 30 paiyzǧa qysqartylyp, tüpkılıktı töleitın soma 60 550 teŋgenı qūraǧan.
