Telejürgızuşı Maiia Bekbaeva jelıdegı paraqşasynda Prezidentke ündeu jasap, ūlt qazynasy Qanyş Sätbaevqa "Halyq qaharmany" ataǧyn berudı ūsyndy, dep habarlaidy "Adyrna" ūlttyq portaly Zakon.kz-ke sıltep.
Onyŋ aituynşa, Qanyş Sätbaev tek ǧalym emes, ol – soǧys jyldarynda KSRO-ny şikızatpen qamtamasyz etu arqyly Jeŋıske üles qosqan strateg. Onyŋ eŋbegı – tek ǧylymdaǧy jetıstık emes, ūlttyq qauıpsızdık pen memleketke qyzmet etudıŋ jarqyn ülgısı ekenın atap öttı.
"Bügın men senator, akademik ärı ǧalym Altynbek Nūhūlymen bırge Qazaqstan Respublikasynyŋ Prezidentınıŋ atyna Qanyş İmantaiūly Sätbaevqa «Halyq Qaharmany» ataǧyn beru turaly ötınışpen bırlesken hatqa qol qoidyq.
Ūly Jeŋıstıŋ 80 jyldyǧy qarsaŋynda, Qazaqstan men qazaq halqynyŋ būl jeŋıske qosqan ülesın eske ala otyryp, qazaq ǧylymynyŋ negızın qalaǧan körnektı ǧalym Qanyş Sätbaevtyŋ esımın atamai ketu mümkın emes. Onyŋ tek Qazaqstannyŋ damuyna ǧana emes, gitlerlık Germaniiamen bolǧan soǧysta bükıl Keŋes Odaǧyn qūtqaruǧa, onyŋ tüpkılıktı jeŋısıne jäne faşizmnen bükıl älemdı aman alyp qaluǧa qosqan ülesın baǧalau qiyn. Būl marapat pen moiyndau Sätbaevtyŋ özıne emes — bızdıŋ qoǧamǧa, qazaqstandyq jastarǧa jäne bolaşaq ūrpaqqa qajet. Olar bıluı, este saqtauy jäne senuı tiıs: naǧyz patriotizm, Otanǧa degen mahabbat, halyq üşın adal eŋbek, adamgerşılık, ädeptılık pen batyrlyq qoǧam men memleket tarapynan ärqaşan laiyqty baǧalanady. Qūrmettı Prezident Qasym-Jomart Kemelūly @tokayev_online, Sızden Qazaqstannyŋ jarqyn bolaşaǧy üşın tarihi ädılettılıktı qalpyna keltıru aktısın jüzege asyruyŋyzdy azamattyq paryzym dep sūraimyn", - dep jazdy ol bır kün būryn.Alaida, būl ūsynysqa qarsy pıkır de bar. Jurnalist Jarylqap Qalybai būl bastamany synǧa aldy.
Qanyş Sätbaev - Qazaqtan şyqqan tūŋǧyş akademik-geolog, Qazaq SSR Ǧylym akademiiasynyŋ negızın qalauşy, tūŋǧyş prezidentı, Jezqazǧannyŋ mol ken qoryn däleldep, auyr önerkäsıptıŋ damuyna jol aşqan. Lenin ordenınıŋ tört dürkın iegerı, KSRO Memlekettık jäne Lenindık syilyqtarynyŋ laureaty boldy.
