Endı Prezident janyndaǧy Ūlttyq ǧylym akademiiasyna akademik bolyp sailanuǧa bolady, bıraq ol oŋai emes, ataqtan ümıtker konkurstan ötedı, soŋǧy on jylda on ǧylymi maqalasy boluy kerek. Aşyq NQA portalynda talqylau üşın jariialanǧan Ereje osylai deidı.
✔ Al Mūrat Jūrynov basqaratyn Ūlttyq ǧylym akademiiasynyŋ akademikterı zeinet jasyna jetken soŋ QŪRMETTI AKADEMİK atanyp, ai saiyn memleketten stipendiia alady.
M.Jūrynov basqaratyn ŪǦA joiylmaidy, bıraq qoǧamdyq ūiym bolyp qalady. İä, kädımgı ÜEŪ – NPO. Endı būl ūiym basqalar siiaqty SPGİ-ge jyl saiyn bölınetın milliardtaǧan qarajattan üles alyp, joba ūsynuyna bolady.
Bıraq, būrynǧy akademiianyŋ saitynda eş jaŋalyq joq, eks-prezident kezındegı aqparat älı jaŋartylmapty. Soǧan qaraǧanda, ol kısıler jaŋa erejenı kütıp otyr.
✔ 2020 jylǧy mälımetke säikes, ŪǦA qoǧamdyq bırlestıgınde 148 akademik bolǧan, onyŋ ışınde eks-prezident Nūrsūltan Nazarbaev pen Dinara Nūrsūltanqyzy Kulibaeva bar. (Ol kısıler de stipendiia ala ma, qyzyq).
Bişımbaevtar otbasynan ekı adam akademik eken.
2011 jyly akademiia ǧimaratynda ǧalymdardyŋ Täuelsızdıktıŋ 20 jyldyǧyna arnalǧan forumy ötken. Oǧan Elbasy Nūrsūltan Nazarbaev qatysqan. Ǧimaratqa sol 2011 jyly da kürdelı jöndeu jasalǧan, aitpaqşy.
Forumda Geologiia institutynyŋ ǧalymdary özderı aşqan jaŋa mineraldy NURNAZEN dep ataudy ūsynǧan. Ol ūsynysty halyqaralyq komissiia bekıttı me, joq pa, ony geologtar bıledı.
Eks-prezidentke «Ǧasyr ǧūlamasy» ataǧy osy forumda berıldı. Ony sol kezdegı bılım-ǧylym ministrı Baqytjan Jūmaǧūlov pen ŪǦA prezidentı Mūrat Jūrynov tabys etken.
Nūrsūltan Äbışūly öz kezegınde: «Naqty ǧylymda eşqandai jaŋalyq aşqan joqpyn, bıraq bız tarihta bolmaǧan jaŋa memleket qūrdyq. Būl – eŋ märtebelı marapat», - dep alǧys bıldıre qabyl alǧan.
✔ «Ǧylym turaly» jaŋa zaŋ osy jyldary qabyldandy. Negızı ol da jaman zaŋ emes edı deidı ǧalymdar.
✔ 2012 jyly ǧylymǧa 42 milliard teŋge bölınıptı. Būl soma 2015 jyly 118 milliardqa jetedı delıngen.
✔ 2011 jyly Qazaqstandaǧy ǧalymdardyŋ ortaşa jasy 55-te bolsa, qazır 58 dep esepteledı.
✔ Osy forumda 2014 jyly ǧylymdy qarjylandyru IJÖ-nıŋ 1 paiyzy bolady dep uäde berılgen. Bıraq, būl körsetkış älı 0,13 paiyz töŋıregınde.
Taǧy bır derek, QazŪU-dıŋ filologiia magistrı Anna Danchenko osy forumda «şūraily qazaq tılınde ǧylymdy nege taŋdaǧanyn maiyn tamyza aityp berıptı». Qazır Anna ǧylymda jür me, älde konsert jürgızıp jürgen sol qyz ba, bılseŋızder jaza ketıŋızder.
İä, otyz jylǧy ǧylym tarihynda osyndai sätter bolǧan, bärı tasqa basylyp, jazuly tūr.
Tarih ötkennen sabaq alu üşın de kerek. Reputasiia instituty da äste-äste qalyptasar.
Jaŋa Ereje 23 şıldege deiın talqylanady, aşyq portalda tūr.
Dina İmambai
Ūqsas jaŋalyqtar
