Endi Prezıdent janyndaǵy Ulttyq ǵylym akademııasyna akademık bolyp saılanýǵa bolady, biraq ol ońaı emes, ataqtan úmitker konkýrstan ótedi, sońǵy on jylda on ǵylymı maqalasy bolýy kerek. Ashyq NQA portalynda talqylaý úshin jarııalanǵan Ereje osylaı deıdi.
✔ Al Murat Jurynov basqaratyn Ulttyq ǵylym akademııasynyń akademıkteri zeınet jasyna jetken soń QURMETTI AKADEMIK atanyp, aı saıyn memleketten stıpendııa alady.
M.Jurynov basqaratyn UǴA joıylmaıdy, biraq qoǵamdyq uıym bolyp qalady. Iá, kádimgi ÚEU – NPO. Endi bul uıym basqalar sııaqty PGI-ge jyl saıyn bólinetin mıllıardtaǵan qarajattan úles alyp, joba usynýyna bolady.
Biraq, burynǵy akademııanyń saıtynda esh jańalyq joq, eks-prezıdent kezindegi aqparat áli jańartylmapty. Soǵan qaraǵanda, ol kisiler jańa erejeni kútip otyr.
✔ 2020 jylǵy málimetke sáıkes, UǴA qoǵamdyq birlestiginde 148 akademık bolǵan, onyń ishinde eks-prezıdent Nursultan Nazarbaev pen Dınara Nursultanqyzy Kýlıbaeva bar. (Ol kisiler de stıpendııa ala ma, qyzyq).
Bıshimbaevtar otbasynan eki adam akademık eken.
2011 jyly akademııa ǵımaratynda ǵalymdardyń Táýelsizdiktiń 20 jyldyǵyna arnalǵan forýmy ótken. Oǵan Elbasy Nursultan Nazarbaev qatysqan. Ǵımaratqa sol 2011 jyly da kúrdeli jóndeý jasalǵan, aıtpaqshy.
Forýmda Geologııa ınstıtýtynyń ǵalymdary ózderi ashqan jańa mıneraldy NÝRNAZEN dep ataýdy usynǵan. Ol usynysty halyqaralyq komıssııa bekitti me, joq pa, ony geologtar biledi.
Eks-prezıdentke «Ǵasyr ǵulamasy» ataǵy osy forýmda berildi. Ony sol kezdegi bilim-ǵylym mınıstri Baqytjan Jumaǵulov pen UǴA prezıdenti Murat Jurynov tabys etken.
Nursultan Ábishuly óz kezeginde: «Naqty ǵylymda eshqandaı jańalyq ashqan joqpyn, biraq biz tarıhta bolmaǵan jańa memleket qurdyq. Bul – eń mártebeli marapat», - dep alǵys bildire qabyl alǵan.
✔ «Ǵylym týraly» jańa zań osy jyldary qabyldandy. Negizi ol da jaman zań emes edi deıdi ǵalymdar.
✔ 2012 jyly ǵylymǵa 42 mıllıard teńge bólinipti. Bul soma 2015 jyly 118 mıllıardqa jetedi delingen.
✔ 2011 jyly Qazaqstandaǵy ǵalymdardyń ortasha jasy 55-te bolsa, qazir 58 dep esepteledi.
✔ Osy forýmda 2014 jyly ǵylymdy qarjylandyrý IJÓ-niń 1 paıyzy bolady dep ýáde berilgen. Biraq, bul kórsetkish áli 0,13 paıyz tóńireginde.
Taǵy bir derek, QazUÝ-diń fılologııa magıstri Anna Danchenko osy forýmda «shuraıly qazaq tilinde ǵylymdy nege tańdaǵanyn maıyn tamyza aıtyp beripti». Qazir Anna ǵylymda júr me, álde konert júrgizip júrgen sol qyz ba, bilseńizder jaza ketińizder.
Iá, otyz jylǵy ǵylym tarıhynda osyndaı sátter bolǵan, bári tasqa basylyp, jazýly tur.
Tarıh ótkennen sabaq alý úshin de kerek. Repýtaııa ınstıtýty da áste-áste qalyptasar.
Jańa Ereje 23 shildege deıin talqylanady, ashyq portalda tur.
Dına Imambaı
