Mäjılıs deputaty Mūrat Äbenov Astanada reseilık prodiuser Iаna Rudkovskaiany HQKO-da jeke özı ertıp jürgen «Azamattarǧa arnalǧan ükımet» memlekettık korporasiiasy basqarma töraǧasy Arman Kenjeǧalievtıŋ äreketıne aşyq narazylyq bıldırdı, dep habarlaidy "Adyrna" ūlttyq portaly.
Äbenovtıŋ aituynşa, memlekettık qyzmetterdıŋ barlyǧy azamattarǧa teŋ därejede körsetıluı tiıs. Al qandai da bır «jūldyzdy» tūlǧaǧa jeke qyzmet körsetu – būl salyq töleuşı halyqtyŋ esebınen artyqşylyq jasau.
«Memleket barlyq azamatqa teŋ qyzmet körsetudı kepıldeidı. Eger bıreuge jeke erıp jüru ūsynylsa, būl qyzmettıŋ qūny men tärtıbı resmi körsetıluı kerek. Arman Kenjeǧaliev myrza kımderge arnaiy qyzmet körsetetının, ol üşın qandai "jūldyzdyq" deŋgei qajet ekenın nege aşyq jariialamaidy?» – dedı deputat.
Äbenov būl ärekettı memlekettık resurstardy maqsatsyz paidalanu dep baǧalap, sifrlandyru ministrı Jaslan Madievke resmi saual joldady. Ol Kenjeǧalievtıŋ jeke bastama retınde äreket etkenın aityp, vedomstvolyq baqylaudyŋ älsızdıgın synǧa aldy.
«Benzin jaǧyp, bes litrdei şyǧyndalǧan bolar. Qyzmetkerlerdı de alaŋdatqan şyǧar. Qarapaiym azamattar sol künı kezekte köp kütken şyǧar», – dep atap öttı ol.
Deputat būrynǧy osyndai jaǧdailardy da eske saldy. Artemii Lebedev pen Lev Leşenko sekıldı şeteldık tanymal tūlǧalarǧa da erekşe qūrmet körsetılgenın aitty. Onyŋ aituynşa, otandyq şeneunıkter älı künge deiın şeteldık «jūldyzdardyŋ» pıkırı men köŋılıne köbırek män beredı. Al qarapaiym qazaqstandyqtardyŋ müddesı ekınşı orynda qalyp otyrǧanyn atap öttı.
