«AMANAT» partiiasy Fraksiiasynyŋ jetekşısı Elnūr Beisenbaev Bas Prokuror Berık Asylovqa, Işkı ıster ministrı Erjan Sädenovke Qaraǧandy oblysyndaǧy jaǧdai boiynşa deputattyq saual joldady, dep habarlaidy "Adyrna" portaly.
Beisenbaev soŋǧy kezde zaŋdy belden basyp, oiyna kelgenın ısteitın betımen ketken azamattardyŋ köbeiıpa ketkenın tılge tiek ettı.
"Künı keşe Qaraǧandyda bolǧan oqiǧa – sonyŋ aiqyn dälelı. Aidyŋ künnıŋ amanynda öz qyzme i tın adal atqaryp jürgen jedel järdem jürgızuşısın qanjosa etıp soqqyǧa jyǧu – baryp tūrǧan bassyzdyq. Qūqyqbūzuşy Nūrbolat Däkebaevtyŋ būl äreketı – jäi ǧana qylmys emes, bükıl qoǧamǧa, zaŋ men tärtıpke aşyq qarsylyq, ne ıstei alasyŋ degen döŋaibat. Özın beinetaspaǧa tüsırıp jatqanyn bılıp tūrsa da, eşqandai aiylyn jimai jūdyryq sıltep, qyzmettegı adamdy qanǧa böktıruı – äbden şekten şyqqandyq, naǧyz qanypezerlık" dedı ol.
1 jasar säbige kömekke kelgen medisina qyzmetkerlerın, aşyqtan-aşyq, kuägerlerdıŋ közınşe ūryp-soqqan adamnyŋ qarapaiym adamdardy qyryp tastaudan taiynbaityny jaily qosty ol.
Atalmyş jaittyŋ bırneşe ret qaitalanyp jatqanyn aitty deputat.
"Almatyda avtobus jürgızuşısın soqqyǧa jyǧudyŋ qandai qaiǧyly jaǧdaiǧa soqtyrǧanyna bärımız kuä boldyq. Būl jariia bolǧandary ǧana. Jabuly qazan jabuly küiınde qalǧandary qanşama. Sondyqtan mūndai jaǧdaiǧa müldem jol beruge bolmaidy. Ötkende Bişımbaev, bügın Däkebaev, erteŋ kım bolady sonda?!" dedı ol.
Būl jaǧdailar tiıstı organdardyŋ öz jūmysyna salǧyrt qarauynan, köpşılıktıŋ qarapaiym ǧana qūqyqtyq qaǧidalardy bılmeitınınen jäne ūlttyq qūndylyqtardan ada, ädep pen ar-ūiatty artta qaluşylyq dep sanaityn, adamşylyqqa jat oilarmen sanasy ulanǧan azamattar qalyptasyp jatqandyǧynan oryn alyp jatyr dedı ol.
"Būl eşqandai jaqsylyqqa aparmaidy. Saldaryn körıp otyrmyz. Bız zaŋ men tärtıp üstemdık etetın, ärbır azamattyŋ qūqyǧy qorǧalǧan, öz ömırı men densaulyǧyna qauıptenbeitın ädılettı Qazaqstandy qalaimyz jäne ony qūramyz.Prezidentımız aitqandai: «Bızde zaŋ men tärtıpbūzuşylyqqa tözbeitın jaǧdai qalyptasuy kerek» . Sondyqtan uäkılettı organdarǧa kelesı şaralardy qolǧa aludy ūsynamyz" dep bırneşe ūsynys aitty Beisenbaev.
"Bırınşı, qūqyq qorǧau organdary qylmys jasaǧan Däkebaevty tezarada tabuy tiıs. Ekınşı, Nūrbolat Däkebaevtyŋ sotyn aşyq jürgızıp, qataŋ jaza taǧaiyndau jäne onyŋ barysy men qorytyndysy turaly būqaralyq aqparat qūraldary arqyly halyqty tügel habardar etu. Üşınşı, soŋǧy uaqyttary adamnyŋ jeke basyna qauıp töndıretın, tıptı onyŋ ömırın qiiatyn qylmystar qoǧamdyq sipat aluda. Sondyqtan, tezarada kez kelgen qylmystarǧa qoǧamdy müldem tözbeuşılık mädenietın jappai qalyptastyruymyz qajet" delındı Elnūr Beisenbaevtyŋ saualynda.
Ūqsas jaŋalyqtar
