Mäjılıstıŋ jalpy otyrysynda «Qazaqstannyŋ keibır zaŋnamalyq aktılerıne memlekettık jastar saiasaty mäselelerı boiynşa özgerıster men tolyqtyrular engızu turaly» zaŋ jobasy ekınşı oqylymda maqūldandy, dep habarlaidy “Adyrna” ūlttyq portaly.
Deputat Jämilä Nūrmanbetova qūjat memlekettık jastar saiasaty salasyn jetıldıruge, qoǧamdyq qatynastardy keşendı retteudıŋ tiımdı qūqyqtyq negızın qalyptastyruǧa, jūmyspen qamtudy qamtamasyz etuge, jastardyŋ damuyna qolaily jaǧdai jasauǧa baǧyttalǧanyn atap öttı.
“Zaŋ jobasymen jūmys barysynda deputattar «jastar» ūǧymynyŋ jas şegın 29-dan 35 jasqa deiın ūlǧaituǧa baǧyttalǧan tüzetu engızdı. Būl – jastardyŋ äleumettık belsendılıgın arttyruǧa yqpal etedı. Jergılıktı atqaruşy organdarǧa jastarǧa jeŋıldıkpen jalǧa berıletın tūrǧyn üi tapsyru jönındegı baǧdarlamany äzırleu jäne ıske asyru boiynşa jaŋa qūzyret beruge baǧyttalǧan tüzetuler engızdı”, - dedı deputat.Odan bölek, ol Prezidenttıŋ biyl 1 qyrküiektegı Qazaqstan halqyna arnaǧan joldauyn ıske asyru üşın deputattar zaŋ jobasy aiasynda äleumettık blokqa qatysty tiıstı tüzetuler engızgenın atap öttı.
«Osyǧan bailanysty bala kütımı boiynşa tölemderdı taǧaiyndau kezeŋınıŋ ūzaqtyǧyn 1,5 jasqa deiın ūlǧaitu, eŋ tömen bazalyq zeinetaqy mölşerın eŋ tömen künkörıs deŋgeiınen – 70% deiın, eŋ joǧary bazalyq zeinetaqy mölşerın 120% deiın däiektı türde jetkızu, äielder üşın zeinetkerlıkke şyǧu jasyn 2028 jylǧa deiın 61 jas deŋgeiınde bekıtu, sondai-aq jasyna bailanysty zeinetaqy tölemderın esepteu üşın tabys şegın 46 eselengen ailyq eseptık körsetkışten 55 eselengen deŋgeige deiın ūlǧaitu eskerılgen. «Zaŋ jobasy şeŋberınde qaralatyn mäseleler aiasynyŋ keŋeiuın eskerıp, deputattar zaŋ jobasynyŋ taqyrybyn «Qazaqstannyŋ keibır zaŋnamalyq aktılerıne memlekettık jastar saiasaty jäne äleumettık qamsyzdandyru mäselelerı boiynşa özgerıster men tolyqtyrular engızu turaly» dep özgertu jönınde ūsynys engızdı», - dedı Jämilä Nūrmanbetova.Eske salaiyq, biyl Memleket basşysy Qasym-Jomart Toqaev äielderdıŋ zeinet jasyn 2028 jylǧa deiın 61 jas deŋgeiınde qaldyru turaly tapsyrma bergen edı.
Ūqsas jaŋalyqtar
