Özbekstan Jurnalistika jäne būqaralyq kommunikasiialar universitetınıŋ rektory, prezident Şavkat Mirziaeev premer bolǧan kezde onyŋ baspasöz hatşysy bolǧan Şerzodhon Kudrathodja Resei syrtqy ıster ministrı Sergei Lavrovtyŋ Samarqandtaǧy «Qaiǧyly ana» memorialynda orys tılındegı jazudyŋ bolmauyna qatysty mälımdemesıne jauap berdı, dep habarlaidy “Adyrna” ūlttyq portaly.
Būǧan deiın Lavrov memorialdy aralau barysynda qaza tapqan sarbazdarǧa arnalǧan sözderdıŋ özbek jäne aǧylşyn tılderınde jazylǧanyn aityp, nege orys tılınde jazu joq ekenın sūraǧan bolatyn.
Rektordyŋ pıkırınşe, ärbır memleket tarihi eskertkışter men nysandarǧa qatysty tıl saiasatyn özı aiqyndauǧa tolyq egemendıkke ie. Ol basqa elderdıŋ joǧary lauazymdy ökılderınıŋ mūndai eskertuler jasauy orynsyz ekenın atap öttı.
«Şetelden kelgen basqa memlekettıŋ syrtqy ıster ministrınıŋ bızdı synauy dūrys emes. Aqyr soŋynda, bız olardyŋ koloniiasy emespız!» — dedı ol.
Sondai-aq, ol mūndai mäseleler köterıletın bolsa, Özbekstan da öz azamattarynyŋ Reseidegı jaǧdaiyna nazar audaruǧa qūqyly ekenın aitty. Atap aitqanda, eŋbek migranttarynyŋ qūqyqtarynyŋ būzyluyna qatysty söz qozǧady.
«Nelıkten bızdıŋ migranttardy Reseide jiı kemsıtuge ūşyratady? Nelıkten olardyŋ qūqyqtary polisiia nemese basqa bilık ökılderı tarapynan būzylǧan kezde, eşbır şeneunık äreket etpeidı? Eger Lavrov myrza memorialdaǧy jazu tılıne süienıp, ana beinesınıŋ qasiettılıgı turaly aitatyn bolsa, bız oǧan adam qūqyqtary da kem emes därejede qasiettı ekenın eske saluǧa qūqylymyz», — dep tüiındedı rektor.
Eske salsaq, būǧan deiın Sergei Lavrov Qazaqstan Prezidentı Qasym-Jomart Toqaevtyŋ memleketterdıŋ aumaqtyq tūtastyǧyna qūqyǧy turaly sözderımen kelıspeitının mälımdegen edı.
Talqylau Qazaqstan basşysynyŋ «eger ūlttardyŋ özın-özı bileu qūqyǧy ideiasyn basşylyqqa alatyn bolsaq, älemde köptegen öŋırlık qaqtyǧystar bastalady» degen mälımdemesıne qatysty boldy. Lavrovtyŋ aituynşa, Toqaev tek memleketterdıŋ aumaqtyq tūtastyq qūqyǧyn eskeredı.
Sol kezde belgılı politolog Arkadii Dublov “Lavrovtyŋ būl läpıldeuı asa sättı bolmady” degen bolatyn.
