...Путин күтпеген жерден Қазақстан президенті Тоқаевқа телефон соқты. Бұл бастама Кремльден шыққанға ұқсайды. Әйтпесе, Кремльдің баспасөз қызметі телефон соққан Қазақстан басшысы екенін анық түсіндірер еді.
Олар энергетика саласындағы ынтымақтастық мәселелерін талқылады, Путин әріптесімен Ресей-Америка арасындағы диалогтың барысы туралы өз пікірімен бөлісті, сондай-ақ Тоқаевтың 9 мамырда Мәскеуде өтетін мерекелік шараларға «әлбетте қатысатыны» расталды.
Дегенмен, Мәскеу мен Астана арасындағы қарым-қатынастың «химиясы» қазіргі уақытта қаншалықты қиын екенін ескерсек, бұл кешкі қоңыраудың мақсаты Путиннің Ресей сыртқы істер министрі Лавровтың президент Тоқаевты айыптауының тігісін жатқызу болуы мүмкін.
Екі күн бұрын «Коммерсант» газетіне берген сұхбатында Ресей сыртқы істер министрлігінің басшысы Ресейге достас мемлекет басшысына жай ғана «шабуылдап», Тоқаевтың мемлекеттердің аумақтық тұтастығы қағидатына қатысты ұлттардың өзін-өзі билеу құқығы принципінің қазіргі жағдайда орынсыздығына қатысты ұстанымымен келіспейтінін білдірді.
Бұл Тоқаевтың 2022 жылы Санкт-Петербор экономикалық форумында Донецк және Луганск халық республикаларын айта отырып, Қазақстанның «квазимемлекеттік құрылымдарды» мойындамауы туралы айтқан белгілі сөзіне қатысты айтылған жай болды. Наурыз айында 75 жылдық мерейтойын атап өткен ресейлік министрдің (сұхбат осы датаға орайластырылған сияқты) сұхбаты көрші республикада түрлі пікір туғызып, Қазақстанның солтүстік өңірлеріне деген талабынан бас тартпаған Мәскеудің империялық жоспарлары тағы да сөз болды. Айта кету керек, Лавровтың бұл ләпілдеуі аса сәтті болмады...
