İrandaǧy rejimge qarsy narazylyq bıldıruşıler el aumaǧyndaǧy bırneşe köşenıŋ atauyn «Donald Tramp köşesı» dep özgerttı. AQŞ Memlekettık departamentı būl qadamdy İran halqynyŋ erkındık pen örkendeuge ūmtylysyn qoldaudyŋ simvoly dep atady, dep habarlaidy «Adyrna» tılşısı.
«Bız Tegeranda prezident Tramptyŋ atymen köşege atau bergen anonimdı azamattyŋ äreketın joǧary baǧalaimyz», — delıngen habarlamada.
Vedomstvo ökılderı AQŞ İran halqynyŋ ūmtylysyn qūrmetteitının jäne olardyŋ erkındıkke, äl-auqatqa jäne mümkındıkterge qol jetkızu jolyndaǧy talpynystaryn qoldauǧa beiıldı ekenın atap öttı.
Aita keteiık, jeltoqsan aiynyŋ soŋynda İranda ūlttyq valiutanyŋ kürt qūnsyzdanuy aiasynda jappai narazylyqtar bastalǧan. Olar qauıpsızdık şaralarynyŋ küşeiuımen, sonyŋ ışınde közden jas aǧyzatyn gaz ben pnevmatikalyq qarudyŋ qoldanyluymen qatar jürdı. Narazylyq aksiialary eldıŋ 25 provinsiiasyndaǧy 60-tan astam qalany qamtydy. Eŋ ırı şeruler Tegeranda öttı, al eŋ qaqtyǧysty jaǧdailar eldıŋ batysy men oŋtüstık-batysynda — Malekşahi, Kermanşah jäne Lordegan qalalarynda tırkeldı.
