Ukraina, Fransiia jäne Ūlybritaniia basşylary Parijde Ukraina qorǧanysyn qoldau, ony qalpyna keltıru jäne strategiialyq tūraqtylyqty qamtamasyz etu maqsatynda bıtımgerlık küşterdı ornalastyruǧa qatysty niet deklarasiiasyna qol qoidy. Būl turaly ukrainalyq BAQ jazdy, dep habarlaidy «Adyrna» tılşısı.
Mälımdemege säikes, qūjatqa Ukraina atynan Ukraina prezidentı Vladimir Zelenskii, Fransiia Respublikasynan prezident Emmanuel Makron, al Ūlybritaniia atynan premer-ministr Kir Starmer qol qoiǧan.
Deklarasiia Parij qalasynda ötken «Niettıler koalisiiasy» sammitınıŋ qorytyndysy boiynşa räsımdelgen. Zelenskii būl kezdesudı koalisiia tarihyndaǧy «eŋ ökıldı jiyn» dep atady.
Sammittıŋ basty maqsaty – Ukrainanyŋ qorǧanys äleuetın nyǧaituǧa qoldau körsetu, sondai-aq beibıtşılıkke aparar joldaǧy saiasi qadamdardy talqylau boldy. Kezdesuge Ūlybritaniia men Fransiianyŋ jetekşılıgımen 35 eldıŋ ökılı qatysty. Olar Reseimen atysty toqtatu jaǧdaiynda Ukrainaǧa äsker jıberuge daiyn ekenın bıldırdı.
Talqylaular Ukraina üşın qauıpsızdık kepıldıkterı men olardy ıske asyru tetıkterıne arnaldy.
Aita keteiık, 6 qaŋtarda Fransiia astanasy Parij qalasynda Reseimen soǧysta Ukrainany qoldap otyrǧan elder köşbasşylarynyŋ kezdesuı ötken bolatyn. Sammitke sondai-aq AQŞ prezidentınıŋ arnaiy ökılı Stiv Uitkoff pen Donald Tramptyŋ küieu balasy Djared Kuşner qatysqan.
Būdan bölek, 29 jeltoqsanda AQŞ-tyŋ Florida ştatynda AQŞ prezidentı Donald Tramppen Ukraina prezidentı Vladimir Zelenskii arasynda ekı saǧattan astam uaqytqa sozylǧan kelıssözder ötken. Keiın taraptar bırneşe europalyq köşbasşymen telefon arqyly söilesken.
Zelenskiidıŋ aituynşa, būl kezdesuler barysynda beibıt retteu şeŋberındegı barlyq negızgı mäsele talqylanyp, «aitarlyqtai nätijelerge» qol jetkızılgen. Al Fransiia prezidentı Emmaniuel Makron qauıpsızdık kepıldıkterı boiynşa ılgerıleu bar ekenın aityp, olardyŋ «ädıl ärı tūraqty beibıtşılık ornatuda şeşuşı röl atqaratynyn» mälımdegen.
Sonymen qatar Ukraina tarapynan kelıssöz jürgızuşı, Ūlttyq qauıpsızdık jäne qorǧanys keŋesınıŋ hatşysy Rustem Umerov 3 qaŋtarda ötken keŋesşıler kezdesuınen keiın beibıt jospardyŋ şamamen 90 paiyzy kelısılgenın, qalǧan tūstary boiynşa jūmys jalǧasyp jatqanyn aitqan.
