Qytailyq ǧaryşkerler el tarihynda alǧaş ret üŋgır jaǧdaiynda ötken daiyndyq baǧdarlamasyn sättı aiaqtady, dep habarlaidy «Adyrna» tılşısı.
Oqu-jattyǧular eldıŋ oŋtüstık-batysyndaǧy Chunsin munisipalitetınıŋ tauly audanynda ūiymdastyrylǧan. Daiyndyqqa 28 ǧaryşker qatysyp, olar 4 topqa bölıngen. Är top suyq ärı ylǧaldy jerasty jaǧdaiynda 6 kün, 5 tünnen ötkızgen. Būl baǧdarlama ūzaq merzımdı orbitalyq ūşular men bolaşaq Aiǧa baǧyttalǧan pilottalatyn missiialar aldynda tırşılık etu daǧdylary men psihologiialyq tözımdılıktı pysyqtauǧa arnalǧan.
İntensivtı baǧdarlama naqty missiialardyŋ talaptaryna barynşa jaqyndatylyp, qytai ǧaryşkerlerın daiarlau jüiesın keŋeitu maqsatynda äzırlengen. Baǧdarlama aiasynda ekologiialyq monitoring, üŋgırlerdı kartografiialau, «ǧaryş–jer» bailanysyn imitasiialau, sondai-aq psihologiialyq jäne mınez-qūlyqtyq daiyndyq jürgızılgen.
Sonymen qatar nūsqauşylar tosyn evakuasiialar ūiymdastyryp, komandalardyŋ tötenşe jaǧdailarǧa äreket etu qabıletın jäne bırlesıp mäsele şeşu daǧdylaryn teksergen.
«Būl derekter ǧaryş stansiiasyndaǧy ūzaq merzımdı missiialarǧa jäne Aiǧa baǧyttalǧan pilottalatyn ūşularǧa qatysatyn ǧaryşkerler üşın psihologiialyq qoldau jüielerınqūruǧa maŋyzdy negız bolady»,- dedı Qytaidyŋ ǧaryşkerlerdı zertteu jäne daiarlau ortalyǧynyŋ nūsqauşysy Szian Iýan.
Ol aldaǧy uaqytta mūndai intensivtı baǧdarlamalardy tūraqty türde ötkızudı josparlap otyrǧanyn mälımdedı.
