AQŞ prezidentı Donald Tramp Ukrainadaǧy qaqtyǧysty retteu mäselesıne qatysty pıkır bıldırıp, Vladimir Zelenskiidı soǧysty aiaqtauǧa niet tanytpai otyr dep aiyptady, dep habarlaidy «Adyrna» tılşısı.
Aq üi basşysy qazırgı jaǧdaiǧa qatysty pıkırın Truth Social äleumettık jelısındegı paraqşasynda jariialady.
«Reseige qatysty ūstanymym öte qarapaiym. Men Resei men Ukraina arasyndaǧy soǧysty toqtatu üşın kelıssözder jürgızıp jatyrmyn jäne Reseidı kelıssöz üstelınen oilanbai alystatatyn eşqandai äreket jasaǧym kelmeidı. Bız aitarlyqtai ılgerıleuge qol jetkızıp jatyrmyz» – dep jazdy Tramp.
Sondai-aq ol Kievtıŋ Reseidegı mūnai öŋdeu zauyttaryna soqqy beruın synǧa aldy. Tramptyŋ pıkırınşe, mūndai şabuyldar älemdık naryqqa kerı äser etıp otyr.
«Zelenskii Reseidegı mūnai öŋdeu zauyttaryna soqqy berıp jatyr. Ol būl şabuyldardyŋ älemdık dizel otyny naryǧyna, sonyŋ ışınde AQŞ-qa da aitarlyqtai ziian keltıretının bıledı. Sonyŋ saldarynan fermerler, mal şaruaşylyǧymen ainalysatyndar jäne türlı saladaǧy käsıporyndar orasan zor şyǧynǧa ūşyrap otyr. Soǧan qaramastan, Resei älemdık naryqqa dizel otynyn milliondaǧan barrel kölemınde tömen baǧamen jetkızudı jalǧastyruda», – dedı AQŞ prezidentı.
Būdan bölek, Tramp Zelenskiidıŋ Ukrainadaǧy soǧysty aiaqtaǧysy kelmeitının mälımdedı.
«Zelenskiige bärıbır. Şynyn aitqanda, Europanyŋ oǧan bölıp jatqan qyruar qarjysyna jäne būǧan deiın jemqor Djo Baiden bergen qarajatqa qaramastan, ol būl soǧysty aiaqtaǧysy kelmeidı jäne, bälkım, eşqaşan da ony toqtatudy qalamaǧan. Ekı jyl būryn ol qazırgı ümıt arta alatyn kelısımnen äldeqaida tiımdı kelısımge qol jetkıze alar edı. Onyŋ elı qirap jatyr, aumaǧynyŋ edäuır bölıgınen aiyryldy, mūhittar men teŋızderge şyǧu mümkındıgın joǧaltty, al er azamattarynyŋ sany azaidy», – dep jazdy Tramp.
Jazbasynyŋ soŋynda Aq üi basşysy soǧystyŋ aiaqtalǧanyn qalaitynyn atap öttı.
Eske salaiyq, būǧan deiın Donald Tramp Vladimir Zelenskiidı qataŋ synǧa alyp, Ukrainaǧa kelısım jasai alatyn jaŋa basşy qajet ekenın mälımdegen edı. Bırneşe künnen keiın AQŞ prezidentı Ukraina basşysyn taǧy da synǧa alǧan. Tramptyŋ aituynşa, Zelenskii kelısımge keluge niettı emes.
Jaqynda amerikalyq käsıpker İlon Mask ta Zelenskii Ukraina prezidentı qyzmetınen ketuı kerek degen pıkır bıldırgen.
Al Ukraina prezidentı Vladimir Zelenskii Bloomberg agenttıgıne bergen sūhbatynda Tramptyŋ saiasaty Kievtı kapituliasiiaǧa, iaǧni tıze büguge itermelep otyrǧanyn aitqan.
