AQŞ prezidentı Donald Tramp bırqatar BAQ-ta jariialanǧan eldegı qaru-jaraq qorynyŋ sarqyluy turaly aqparatty joqqa şyǧardy, dep habarlaidy «Adyrna» tılşısı Report agenttıgıne sılteme jasap.
Truth Social jelısınde jariialaǧan mälımdemesınde amerikalyq köşbasşy AQŞ-tyŋ oq-därı qory jetkılıktı ekenın jäne öndırıs kölemı üzdıksız artyp jatqanyn aitty. Onyŋ sözınşe, qorǧanys kompaniialary elde rekordtyq kölemde zauyttar men öndırıstık käsıporyndar salyp jatyr. Sonymen qatar oq-därıler qajettılıkke qarai tūraqty türde jetkızılude.
«AQŞ-ta oq-därınıŋ, äsırese keibır türlerınıŋ qory öte mol. Būǧan qosa, qajet bolǧan jaǧdaida elde ülken kölemde oq-därı öndırılıp, jetkızılıp jatyr. Qorǧanys kompaniialary bızdıŋ elde tarihtaǧy eŋ köp zauyttar men öndırıstık nysandardy salyp jatyr», – dedı Tramp.
Sondai-aq ol qaru-jaraq tapşylyǧy turaly aqparat taratqandardy anyqtau jūmystary jürgızılıp jatqanyn mälımdedı.
«Osy mälımdemelerdı taratqan adamdar anyqtalyp jatyr. Bız olardyŋ ūzaq merzımge bas bostandyǧynan aiyryluyna qol jetkızuge tyrysamyz», – dep atap öttı AQŞ prezidentı.
Būǧan deiın The Washington Post gazetı derekközderge sılteme jasap, Tramptyŋ Pentagon basşysy Pit Hegsetten alys qaşyqtyqqa ūşatyn zymyrandar men zymyranǧa qarsy qorǧanys jüielerıne arnalǧan tosqauyldauşy zymyrandardyŋ tapşylyǧy turaly aqparatqa tüsınıkteme berudı talap etkenın jazǧan bolatyn.
Basylym mälımetınşe, oq-därı tapşylyǧy Vaşingtonnyŋ İranǧa auqymdy soqqy jasau mümkındıgın şektep, jaŋa şabuyldardyŋ toqtatyluyna äser etken faktorlardyŋ bırı bolǧan. Alaida Aq üi men Pentagon būl aqparatty terıske şyǧardy.
