Astrahan aýdanyna qarasty Iagodnoe aýylynda sý tasqynynyń saldarynan eki elektr baǵanasy qulap, eldi meken jaryqsyz qaldy, dep habarlaıdy “Adyrna” ulttyq portaly.
Bul týraly Tótenshe jaǵdaılar mınıstrligi habarlady.
Málimetke sáıkes, Kolýton ózeniniń tasýy nátıjesinde elektr jelilerin ustap turǵan tirekterdi sý shaıyp ketken. TJM oqıǵa ornynan vıdeo da jarııalady. Kadrlarda qutqarýshylardyń qutqarý keýdeshelerin kıip, sý basqan aýmaqpen júzip júrgeni kórinedi.
«TJM qyzmetkerleri elektr mamandarymen birlesip qalpyna keltirý jumystaryn júrgizdi. Qazirgi tańda aýylǵa jaryq berildi», — delingen resmı habarlamada.
Eske salaıyq, kóktemgi sý tasqyny Aqmola oblysynda birqatar eldi mekenderge qaýip tóndirip otyr.
