Aqmola oblysynda köktemgı su tasqyny saldarynan ondaǧan eldı meken zardap şektı. Ulysmedia.kz mälımetınşe, öŋırde 70-ten astam tūrǧyn üidı su basyp qaldy. Qauıptı jaǧdaiǧa bailanysty kei audandarda tötenşe jaǧdai jariialanuy mümkın, dep habarlaidy "Adyrna" ūlttyq portaly.
Tötenşe jaǧdailar ministrlıgınıŋ habarlauynşa, Astrahan audanynyŋ Jaŋatūrmys, Koluton, Staryi Koluton, Iаgodnoe eldı mekenderı men Atbasar audanynyŋ A.Qūrmanov auylynda 69 üidı su basqan. Būlandy audanynyŋ Novobratskoe auylynda taǧy 29 aula aumaǧy su astynda qalǧan.
Qauıpsızdık maqsatynda 383 adam evakuasiialandy. Olardyŋ 10-y uaqytşa ornalastyru punktılerıne jaiǧastyrylsa, 159 adam tuystarynyŋ üiınde tūryp jatyr. Qazırgı uaqytta 214 adam üilerıne oralǧan.
Su tasqyny jol qozǧalysyna da kerı äserın tigızdı. Oblys aumaǧyndaǧy 26 jol uchaskesın su şaiyp ötse, 5 uchaske mülde jaramsyz bolyp qalǧan. 14 eldı mekenge kölık qatynasy toqtap tūr.
Ministrlık qazırgı uaqytta tört oblysty – Aqmola, Soltüstık Qazaqstan, Şyǧys Qazaqstan jäne Abai oblystaryn – erekşe baqylauǧa alǧanyn mälımdedı. Degenmen, biylǧy su tasqyny qaupı ötken jylmen salystyrǧanda äldeqaida tömen ekenı aityldy.
Eske sala keteiık, būǧan deiın Atbasar men Makinsk qalalarynda da su tasqynyna bailanysty qiyn jaǧdai oryn alǧan bolatyn. Äleumettık jelılerde taraǧan beinematerialdarda üilerdıŋ jartysyna deiın su kırıp ketkenı baiqalady. Tūrǧyndardyŋ aituynşa, mūndai jaǧdai är köktem saiyn qaitalanuda. 19 nauryzda Makinsk qalasyndaǧy mektep su tasqyny saldarynan qaşyqtan oqytu formatyna köşırılgen.
Ūqsas jaŋalyqtar
