Kásipkerdiń kesirinen Túrkistan oblysynyń turǵyndary aýyz sýsyz qalýy múmkin

2733
Adyrna.kz Telegram
Foto: baq.kz
Foto: baq.kz

Kásipkerdiń kesirinen Túrkistan oblysynyń turǵyndary aýyz sýsyz qalýy múmkin, dep habarlaıdy “Adyrna” ulttyq portaly.

«Bizdiń shydamymyzdyń da shegi bar. Bir kásipkerdiń áreketinen jergilikti turǵyndardyń barlyǵy zardap shegýde. Kún ótken saıyn jumys qarqyndy júrgizilip, sonyń saldarynan óńirdegi sý deńgeıi tómendep barady», – dep narazylyqtaryn bildirdi Ordabasy aýdanyna qarasty Qaraspan aýyldyq okrýginiń turǵyndary “Otyrar” basylymyna  bergen suhbatynda.

Aıtýlarynsha, kásipkerler 15 jyldan beri júrgizgen karer jumystarynyń kesirinen sý deńgeıi tómendep jatyr. Qyzyl kitapqa engen ósimdikteri bar aýmaq shólge aınalǵan.

«Bizde sý soratyn qudyq bar. Qazir sýdy sorý óte qıyn. Buryn tutqany bir aıdaǵanda 2 jarym lıtr sý shyǵatyn. Endi sol mólsherde sý alý úshin 10-20 ret sorý kerek», – deıdi turǵyn Jasdáýren Ótenbaev.

Bul rette polıeıler aryzdardy qabyldamaı, karerdegi zań buzýshylyqtardy kórmeı otyr. Ordabasy aýdany ákiminiń orynbasary Azat Oralbaevtyń aıtýynsha, atalǵan kemshilikter úshin kompanııaǵa qazirdiń ózinde 51 mıllıon teńge aıyppul salynypty.

Basylym karerge ıelik etetin kompanııa jerdi 2049 jylǵa deıin jalǵa alǵanyn atap ótedi. Turǵyndar úzildi-kesildi qarsy. Kásipker jumysyn toqtatpasa, úkimet pen prezıdentten kómek suraýdy josparlap otyr.

“Adyrna” ulttyq portaly

Pikirler