Magnum kompanııasynyń jetkizý qyzmetine qatysty oqıǵa áleýmettik jelilerde qyzý talqylanyp, qoǵam nazaryn aýdardy. Osyǵan baılanysty kompanııa basshylyǵy resmı málimdeme jasap, tutynýshylarynan jáne barsha halyqtan keshirim surady, dep habarlaıdy «Adyrna» ulttyq portaly.
Buǵan deıin áleýmettik jeli qoldanýshysy Asylhan esimdi azamat Magnum-nan azyq-túlikke tapsyrys bergenin, jetkizý kezinde jetkizýshiniń odan qazaq tilinde sóıleýdi talap etkenin jazǵan bolatyn. Bul jazba qoǵamda túrli pikirler týdyryp, keıbir azamattar kompanııaǵa boıkot jarııalaýǵa shaqyrdy.
Magnum kompanııasynyń top-menedjeri Nııaz Shapaqov jaǵdaıdy túsindirip, jetkizýshiniń jumystan shyǵarylýy tek til máselesine baılanysty emes ekenin, tutynýshymen birneshe ret dóreki sóıleskeni úshin osyndaı sheshim qabyldanǵanyn málimdedi.
Magnum ókilderi bul jaǵdaıdan sabaq alǵandaryn jáne bolashaqta mundaı túsinispeýshilikterdi boldyrmaý úshin tıisti sharalar qabyldaıtyndaryn jetkizdi.
Olar jumystan shyǵarǵan tapsyrys jetkizýshini óz ornyna qaıtadan qabyldady.
