Magnum كومپانياسىنىڭ جەتكىزۋ قىزمەتىنە قاتىستى وقيعا الەۋمەتتىك جەلىلەردە قىزۋ تالقىلانىپ، قوعام نازارىن اۋداردى. وسىعان بايلانىستى كومپانيا باسشىلىعى رەسمي مالىمدەمە جاساپ، تۇتىنۋشىلارىنان جانە بارشا حالىقتان كەشىرىم سۇرادى، دەپ حابارلايدى «ادىرنا» ۇلتتىق پورتالى.
بۇعان دەيىن الەۋمەتتىك جەلى قولدانۋشىسى اسىلحان ەسىمدى ازامات Magnum-نان ازىق-تۇلىككە تاپسىرىس بەرگەنىن، جەتكىزۋ كەزىندە جەتكىزۋشىنىڭ ودان قازاق تىلىندە سويلەۋدى تالاپ ەتكەنىن جازعان بولاتىن. بۇل جازبا قوعامدا ءتۇرلى پىكىرلەر تۋدىرىپ، كەيبىر ازاماتتار كومپانياعا بويكوت جاريالاۋعا شاقىردى.
Magnum كومپانياسىنىڭ توپ-مەنەدجەرى نياز شاپاقوۆ جاعدايدى ءتۇسىندىرىپ، جەتكىزۋشىنىڭ جۇمىستان شىعارىلۋى تەك ءتىل ماسەلەسىنە بايلانىستى ەمەس ەكەنىن، تۇتىنۋشىمەن بىرنەشە رەت دورەكى سويلەسكەنى ءۇشىن وسىنداي شەشىم قابىلدانعانىن مالىمدەدى.
Magnum وكىلدەرى بۇل جاعدايدان ساباق العاندارىن جانە بولاشاقتا مۇنداي تۇسىنىسپەۋشىلىكتەردى بولدىرماۋ ءۇشىن ءتيىستى شارالار قابىلدايتىندارىن جەتكىزدى.
ولار جۇمىستان شىعارعان تاپسىرىس جەتكىزۋشىنى ءوز ورنىنا قايتادان قابىلدادى.
ۇقساس جاڭالىقتار
