Qazaqstandaǧy Burger King jyldam tamaqtanu jelısınıŋ ainalasynda dau tuyndady. Äleumettık jelı qoldanuşylary brendtı jappai synǧa alyp, mekemeler turaly jaǧymsyz pıkırler qaldyra bastady, dep habarlaidy "Adyrna" ūlttyq portaly Kursiv.media-ǧa sılteme jasap.
Talqylau jeke eŋbek dauy şeŋberınen şyǧyp, inkliuziia, korporativtık mädeniet jäne qyzmetkerlerge degen közqaras mäselelerın qamtydy.
Talqylauǧa Threads äleumettık jelısınde autizm mäselelerı boiynşa sarapşy ärı äleumettık käsıpker Janat Qarataidyŋ jazbasy türtkı boldy. Ol ūly Älıbektıŋ – jelıdegı meiramhanalardyŋ bırınde jūmys ısteitın qyzmetkerdıŋ jaǧdaiy turaly baiandady. Onyŋ aituynşa, autizm spektrındegı būzylysy bar jas jıgıt şamamen tört jyl aspaz bolyp eŋbek etken, ūjymmen jaqsy qarym-qatynasta bolǧan, qosymşa jūmysqa qalǧan jäne eŋbek kestesı men demalysyn josparlap jürgen. Avtordyŋ aituynşa, būryn kompaniiada qoldauşy orta qalyptasqan, alaida basşylyq auysqannan keiın jaǧdai özgergen.
Qarataidyŋ sözınşe, küzden bastap ūly jūmys barysynda qiyndyqtarǧa tap bolǧan. Būǧan deiın eş mäsele bolmaǧandyqtan, būl otbasy üşın kütpegen jaǧdai.
«Küzden berı tynyş qysym bastaldy, Älıbek būrynǧydai emes edı. Bız ne bolyp jatqanyn bılmedık, keiın ony jūmystan öz erkımen ketuge mäjbürlep jatqanyn estıdık», – delıngen jazbada.
Avtor jaŋa basşymen jeke söilesu äreketı nätije bermegenın jäne jaǧdaidy inkliuzivtı ortada jūmys ısteu täjıribesınıŋ joqtyǧymen bailanystyrǧanyn aitty.
«Qazır özımdı qolǧa alyp jatyrmyn, Älıbektıŋ adamdarǧa degen senımın qaita qalyptastyryp jatyrmyz», – dep jazdy ol.
Jazba äleumettık jelılerde keŋ taralyp, rezonans tudyrdy. Keiın Qarataidyŋ aituynşa, oǧan kompaniianyŋ būrynǧy jäne qazırgı qyzmetkerlerı habarlasyp, eŋbek qūqyqtarynyŋ būzyluy jäne jaŋa menedjment tarapynan qysym körsetuı mümkın ekenı turaly mälımetter joldaǧan.
Qaratai būrynǧy qyzmetker retınde tanystyrǧan adammen jazysqan hattarynyŋ skrinşottaryn jariialady. Onda ūjymdaǧy özgerıster jaŋa basşylyq taǧaiyndalǧannan keiın bastalǧany aitylǧan. Jazba avtorynyŋ sözınşe, būǧan deiın ūjym men jūmysqa qatysty şaǧym bolmaǧan, alaida ışkı özgerısterden keiın jūmystan ketuge şeşım qabyldaǧan.
Hat almasuda keibır qyzmetkerler basqaru stilın menmen dep qabyldaǧany, sondai-aq jaŋa menedjment pen qatardaǧy qyzmetkerler arasyndaǧy eŋbek jaǧdaiy men jalaqy aiyrmaşylyǧy nazar audartqany aitylǧan. Jalaqy men eŋbek şarttaryndaǧy aiyrmaşylyqtar turaly aqparat ūjym ışınde tez tarap, narazylyq tuǧyzǧany da jazylǧan.
Sondai-aq ışkı kommunikasiia negızınen orys tılınde jürgızılgenı aitylyp, būl kei qyzmetkerler arasynda qosymşa şielenıs tudyrǧany körsetılgen. Būdan bölek, menedjerlerdıŋ bırınıŋ jūbaiy meiramhanada qazaqstandyqtarǧa qatysty qorlaityn mazmūndaǧy japsyrma ornalastyrǧany turaly mälımdeme bar. Habarlama avtorynyŋ aituynşa, būl jaǧdaidy jariia etu äreketınen keiın kei qyzmetkerlerge qysym jasalyp, jazbalar öşırılgen.
Qarataidyŋ pıkırınşe, eger būl derekter rastalsa, mäsele jekelegen oqiǧa emes, jüielı sipatqa ie boluy mümkın. Ol alynǧan aqparatty qūqyqtyq baǧa beru üşın uäkılettı organdarǧa joldau nietı baryn mälımdedı.
Jurnalist Azamat Erǧalievtıŋ Facebook-tegı jazbasy da jaǧdaiǧa qosymşa nazar audartty. Onyŋ baǧalauynşa, būl mäsele ışkı eŋbek dauy deŋgeiınen şyǧyp, qoǧamdyq talqylauǧa ūlasqan. Kompaniia tarapynan jedel ärı aşyq reaksiianyŋ bolmauy talqylau tolqynyn küşeitken.
Oqiǧalar aiasynda paidalanuşylar 2GIS jäne basqa da baǧalau servisterınde jappai pıkır qaldyryp, kei filialdardyŋ reitingı tömendegen. Pıkırlerde jergılıktı qyzmetkerlerge közqaras, korporativtık etika jäne jūmys ornyndaǧy inkliuzivtı orta mäselelerı keŋınen talqylanǧan.
Keiın Burger King Kazakhstan resmi mälımdeme jasap, kompaniia barlyq qyzmetkerler üşın bırdei sapa, qauıpsızdık jäne ışkı reglament standarttaryn saqtauǧa mındettı ekenın habarlady. Basqaruşylyq şeşımder Qazaqstan Respublikasynyŋ eŋbek zaŋnamasy aiasynda qabyldanatyny aityldy. Kompaniianyŋ mälımdeuınşe, jaǧdai bırtındep damyǧan jäne jūmys talqylaularymen, kerı bailanyspen jäne mäselenı ūjym ışınde retteu äreketterımen qatar jürgen.
Sondai-aq aumaqtyq basqaruşy qatardaǧy qyzmetkerlerdıŋ tıkelei jetekşısı emes ekenı jäne jūmystan şyǧaru turaly şeşım qabyldamaityny atap ötıldı. Kompaniia tarapynan qysym nemese kemsıtuşılık bolǧany turaly aqparat rastalmaityny mälımdeldı. Burger King qyzmetkerdıŋ otbasymen konstruktivtı dialogqa daiyn ekenın jäne resmi formatta qaita kezdesu mümkındıgın qarastyruǧa äzır ekenın jetkızdı.
«Bız üşın özara qūrmettı saqtau jäne rastalmaǧan aqparattyŋ taraluyna jol bermeu maŋyzdy. Burger King – erekşelıgıne, şyqqan tegıne nemese ömırlık jaǧdaiyna qaramastan, öz qyzmetkerlerı men qonaqtaryn baǧalaityn kompaniia», – delıngen mälımdemede.
Jariialanǧan sätte äleumettık jelılerde aitylǧan eŋbek zaŋnamasynyŋ būzyluy nemese özge de derekter resmi türde rastalmaǧan, memlekettık organdar tarapynan tekserıs bastalǧany turaly aqparat jariialanbaǧan.
Aita ketsek, Qazaqstanda BURGER KING brendı 2012 jyldyŋ mamyr aiynda «QSR» JŞS kompaniiasy arqyly kanadalyq investisiialyq holding — Restaurant Brands International (RBI) konsernınıŋ franşizasy negızınde aşylǧan.
pk.adata.kz deregınşe, «QSR» JŞS qūryltaişylary — HOLTEN ENTERPRISE LTD jäne HOLTEN GROUP CORP kompaniialary.
