Májilis depýtaty Ermurat Bapı Qazaqstandaǵy iri bankterdiń akıonerlerine salynatyn salyqty qaıta qaraýdy usyndy, dep habarlaıdy "Adyrna" ulttyq portaly.
Onyń aıtýynsha, Ortalyq Azııadaǵy eń iri qarjy uıymdary Qazaqstanda shoǵyrlanǵan, al olardyń jalpy aktıvter kólemi 55 trln teńgege jetken. Bul soma eldiń eki jyldyq bıýdjetinen de asyp túsedi.
"Osy bankter óz qojaıyndaryna, akıonerlerine jyl saıyn mıllıardtaǵan teńge dıvıdent tóleıdi. Iri akıonerler 100 mıllıon teńgeden astam dıvıdent alady, biraq bul tabysqa salyq salynbaıdy. Sizder, bálkim, “eki ret salyq salýǵa bolmaıdy” dersizder. Alaıda bizdiń eldiń bıýdjeti negizinen áleýmettik salaǵa baǵyttalǵan. Onyń 53 paıyzy áleýmettik shyǵyndarǵa ketedi, al damý maqsatyndaǵy shyǵyndar 20 paıyzdan aspaıdy. Sondyqtan bankterdiń qoǵam aldyndaǵy jaýapkershiligin arttyrý úshin dıvıdentterge salyq salý qajet dep sanaımyn", – dedi depýtat májilis otyrysynda.
Ermurat Bapı óziniń usynysynda dıvıdent kólemine qaraı salyq mólsherin saralaýdy usyndy. Mysaly, 100 mln teńgege deıin dıvıdent alatyn akıonerlerge – 10 paıyz, 1 mlrd teńgege deıin alatyndarǵa – 15 paıyz kóleminde salyq salý qajet ekenin aıtty.
