"Dombyrany haram qyluǧa jol bermeimız!" Bapi arab-uahabi aǧymynyŋ qaupı turaly söz ettı

Deputat Ermūrat Bapi 4 qazan künı Mäjılıs otyrysynda İslam dınınıŋ jat aǧymdarynyŋ qazaq qoǧamyna qaupı turaly söz etıp, QR Premer-ministrı men Ūlttyq qauıpsızdık komitetınıŋ töraǧasyna saual joldady, dep habarlaidy "Adyrna" ūlttyq portaly.  Ermūrat Bapi qazırgı taŋda qoǧamnyŋ şyrqyn būzyp, türlı dürbeleŋ tudyryp jatqan mäselelerdıŋ köpşılıgı terıs dıni aǧym ökılderınıŋ ısı ekenın aita öttı. Dıni ürdıstıŋ saiasi sipat alyp, mäselenıŋ  tübın qazǧan jandarǧa türlı şabuyldardyŋ jasalyp jatqanyn da qosa kettı. "Parlament deputaty Rinat Zaiytovtyŋ azamattyq pıkırıne qarsy şabuyldar osyndai saiasi qaterdıŋ sipatyn sezdırse kerek. Qoǧamdy arabtyq-uahabtyq dıni ūstanym negızde bölşekteuge baǧyttalǧan būl äreketterge bızder – deputattar jaibaraqat qarap otyra almaimyz! Bız myŋjyldyq dombyrany haram qyluǧa jol bermeimız! Būl äreketter eldıŋ ūlttyq qūndylyqtar jüiesı men ruhani negızıne jasalyp jatqan şabuyl dep tüsınu kerek!" dedı ol. Sonymen qosa, dıni sektalardyŋ Qazaqstannyŋ türlı aimaǧynda, atap aitqanda Atyrau, Aqtöbe, Maŋǧystau, Ūlytau, Almaty öŋırınde etek jaiyp baratynyn aitty. Premer-ministr Älihan Samiylovqa bırqatar mäseleler boiynşa şara qoldanu qajettıgın jetkızdı ol: "Bırınşıden, Sız jäne Sızdıŋ Kabinetıŋız qalyptasqan kürdelı jaǧdaidy tüisınıp otyr ma? Qoǧamnyŋ dıni negızde bölşektenu qaupıne qarsy ıs-qimyl jospary bar ma? Ekınşıden, Ükımet pen Ūlttyq Qauıpsızdık Komitetı jäne uäkılettı organdar bırlesıp, terıs dıni aǧymdar tudyryp jatqan ūlttyq alauyzdyqty şūǧyl toqtatudyŋ amal-äreketterı El Prezidentınıŋ nazaryna ūsynyldy ma? Üşınşıden, būdan 12 jyl būryn – 2011 jyldyŋ 11 qazanynda qabyl­­danǧan «Dıni qyzmet jäne dıni bırles­tıkter turaly» zaŋǧa tiıstı özgerıster men tolyqtyrular engızudıŋ qoǧamdyq qajettılıgın köteretın kez kelgen joq pa?  Törtınşıden, qalyptasqan osy qoǧamdyq jaǧdaida bız barlyq küş-jıgerımızdı bırıktırıp, ūlt bırlıgı men memlekettıŋ tūraqty damu jaǧdaiyn saqtauǧa Ükımet pen Parlament müddelı boluy kerek dep esepteimız. Eger Ükımet tarapynan qandai da bır tiıstı qūjat qabyldau bastamasy tuatyn bolsa, deputattar ony qoldaidy degen senımım zor" dedı Ermūrat Bapi.