Mäjılıs deputaty Ermūrat Bapi eks-prezidenttıŋ qyzy Äliia Nazarbaeva men käsıpker Nūrlan Bimurzinnıŋ arasyndaǧy dauǧa qatysty pıkır bıldırdı, dep habarlaidy “Adyrna” ūlttyq portaly.
«Men bärın öz közımmen kördım. Äliia Nazarbaevanyŋ qoly qoiylǧan notarialdyq qūjattardyŋ tüpnūsqasyn kördım. Men onyŋ qol qoiǧan kelısım-şartyn, kompaniiany qabyldau turaly qūryltai qūjatyn kördım. Men Rogovanyŋ advokaty qol qoiǧan qūjattardy kördım. Būl kök mörı men qoly bar qūjattar. Olar aspannan tüsken joq. Eşkım olardy qoldan jasaǧan joq. Bıraq mūndai qylmystyŋ saldarynan mülkınen aiyrylǧan adamdardy sotqa beru – arsyzdyq», – deidı Ermūrat Bapi.
Jurnalister deputattan "Prokuratura men sot jüiesı Äliia Nazarbaevanyŋ jaǧyna şyǧa ma?"- dep sūrady.
- Olar qazırdıŋ özınde onyŋ jaǧynda siiaqty. Men deputattyq saual joldadym, jaltarǧan jauap aldym. 160 milliard teŋge kapitalymen biznesınen aiyrylǧan jıgıtter sotqa şaǧym tüsırdı. Olar prokuraturaǧa şaǧym tüsırdı. Olardyŋ eşqaisysyna älı dūrys jauap joq. Jan-jaqtan qarasaq, qūddy Äliia Nazarbaevanyŋ tük qatysy joq siiaqty äser qaldyrady, - dep atap öttı ol.
Eske sala keteiık, aqpan aiynda Äliia Nazarbaeva qūny 170 million dollar bolatyn biznestı reiderlık jolmen tartyp aldy dep aiyptalǧan bolatyn.
Oǧan qosa konstitusiialyq keŋes töraǧasy, prezident kömekşısı, prezident keŋesşısı qyzmetterın atqarǧan İgor Rogovtyŋ äielı Valentina Rogova qylmysqa sybailas bolǧan degen boljam aityldy.
Keiın Äliia Nazarbaevanyŋ Bimurzinnıŋ üstınen polisiiaǧa aryz jazǧany belgılı boldy.
Ūqsas jaŋalyqtar
