Májilis depýtaty Ermurat Bapı eks-prezıdenttiń qyzy Álııa Nazarbaeva men kásipker Nurlan Bımýrzınniń arasyndaǵy daýǵa qatysty pikir bildirdi, dep habarlaıdy “Adyrna” ulttyq portaly.
«Men bárin óz kózimmen kórdim. Álııa Nazarbaevanyń qoly qoıylǵan notarıaldyq qujattardyń túpnusqasyn kórdim. Men onyń qol qoıǵan kelisim-shartyn, kompanııany qabyldaý týraly quryltaı qujatyn kórdim. Men Rogovanyń advokaty qol qoıǵan qujattardy kórdim. Bul kók móri men qoly bar qujattar. Olar aspannan túsken joq. Eshkim olardy qoldan jasaǵan joq. Biraq mundaı qylmystyń saldarynan múlkinen aıyrylǵan adamdardy sotqa berý – arsyzdyq», – deıdi Ermurat Bapı.
Jýrnalıster depýtattan "Prokýratýra men sot júıesi Álııa Nazarbaevanyń jaǵyna shyǵa ma?"- dep surady.
- Olar qazirdiń ózinde onyń jaǵynda sııaqty. Men depýtattyq saýal joldadym, jaltarǵan jaýap aldym. 160 mıllıard teńge kapıtalymen bıznesinen aıyrylǵan jigitter sotqa shaǵym túsirdi. Olar prokýratýraǵa shaǵym túsirdi. Olardyń eshqaısysyna áli durys jaýap joq. Jan-jaqtan qarasaq, quddy Álııa Nazarbaevanyń túk qatysy joq sııaqty áser qaldyrady, - dep atap ótti ol.
Eske sala keteıik, aqpan aıynda Álııa Nazarbaeva quny 170 mıllıon dollar bolatyn bıznesti reıderlik jolmen tartyp aldy dep aıyptalǵan bolatyn.
Oǵan qosa konstıtýııalyq keńes tóraǵasy, prezıdent kómekshisi, prezıdent keńesshisi qyzmetterin atqarǵan Igor Rogovtyń áıeli Valentına Rogova qylmysqa sybaılas bolǵan degen boljam aıtyldy.
Keıin Álııa Nazarbaevanyń Bımýrzınniń ústinen polıııaǵa aryz jazǵany belgili boldy.
