Búgin, 21 maýsym Parlament palatalarynyń birlesken otyrysynda senator Bekbolat Orynbekov "Qazaqfılm" AQ-ǵa memleketten bólingen qarjy tıimsiz ıgerilip jatqanyn aıtty, dep habarlaıdy “Adyrna” ulttyq portaly.
"Osydan bólek qarajatty paıdalanýdyń tıimsizdigi, onyń ishinde kópjyldan beri kele jatqan otandyq kınematografııa salasynda úlken problemalar bar. 2016-2022 jyldary kezeńinde "Qazaqfılmge" kıno shyǵarýǵa jáne prokattaýǵa 14,5 mlrd teńge bólingenimen onyń 4,8 paıyzy ǵana aqtaldy", - dedi Bekbolat Orynbekov Parlament palatalarynyń birlesken otyrysynda.
Depýtat sózine naqty mysaldar keltirdi.
"Arýaq" fılmine 300 mıllıon teńge jumsalsa, tabysy 7 myń teńge ǵana túsken. "Kompozıtor" fılmine 1,2 mıllıard teńge baǵyttalsa, onyń tabysy 400 myń teńge boldy. Ulttyq kınony memlekettiń qoldaýy ortalyǵy boıynsha 2019-2023 jyldary bıýdjeti 6,7 mıllıard teńge, al prokat sommasy 1,1 mıllıard teńge. Ókinishke qaraı osyndaı mysaldar óte kóp. Sondyqtan memlekettiń aýdıtorlardyń esepteri eskerilmeıdi degen kúmán bar", - dedi senator.
