Biyl qazaq kino önerınıŋ körnektı ökılı, tūŋǧyş käsıbi äiel kinorejisser Dariǧa Tınälinanyŋ tuǧanyna 105 jyl tolyp otyr, dep habarlaidy "Adyrna" ūlttyq portaly.
Ol otandyq kinematografiianyŋ qalyptasuyna eleulı üles qosqan tūlǧalardyŋ bırı retınde tarihta qaldy.
Dariǧa Tınälina 1921 jyly 17 nauryzda Aqmola oblysynda düniege kelgen. Ol öner jolyn Almaty teatr uchilişesınde bastaǧan ol keiın Mäskeudegı kinematografiia institutynda bılım alyp, rejisserlık mamandyqty igerdı. Onyŋ ūstazdary qatarynda Aleksandr Dovjenko men Lev Kuleşov sekıldı kino älemınıŋ ırı tūlǧalary boldy.
Şyǧarmaşylyq qyzmetın aktrisa retınde bastap, bırqatar filmderge tüsken Tınälina keiın rejissuraǧa bet būrdy. Alǧaşqy jūmystarynyŋ bırı – «Qazaqstan keŋıstıgınde» derektı filmı. Keiın ol Mosfilm studiiasynda täjıribe jinaqtap, ırı jobalarǧa qatysty.
1964 jyldan bastap Qazaqfilm kinostudiiasynda eŋbek etken rejisser qazaq tılındegı dubliaj salasynyŋ damuyna airyqşa üles qosty. Onyŋ qatysuymen myŋnan astam film qazaq tılıne audarylyp, dybystaldy.
2008 jyly onyŋ «Aq-qara kino» atty eŋbegı jaryq körıp, otandyq kino tarihyn zertteuşıler üşın maŋyzdy derekközge ainaldy.
Dariǧa Tınälina 2011 jyly dünieden öttı.
