Qytaidyŋ Sian qalasynda ötetın XIII Halyqaralyq Jıbek joly kinofestivalı aiasynda biyl alǧaş ret balalar kinosyna arnalǧan arnaiy bölım — «Jıbek joly balalarynyŋ bırge sapary · Balalar kino mausymy» ūiymdastyryldy.
Jaŋa bölımnıŋ basty maqsaty — Jıbek joly boiyndaǧy elder men aimaqtar balalarynyŋ kino jäne mädeniet salasyndaǧy şyǧarmaşylyq bailanysyn nyǧaityp, balalar kinosynyŋ damuyna qoldau körsetu.
Biyl atalǧan baiqauǧa Jıbek joly boiyndaǧy memleketter men öŋırlerden 61 balalar filmı ūsynylǧan. 15 akademiialyq sarapşydan qūralǧan aldyn ala ırıkteu komissiiasy tuyndylardy balalarǧa tän şynaiy közqaras, oqiǧanyŋ äserlılıgı, mädeni erekşelık, körkemdık deŋgei jäne jaŋaşyldyq sekıldı negızgı ölşemder boiynşa baǧalaǧan.
Nätijesınde 61 filmnıŋ ışınen 15 üzdık balalar filmı taŋdalyp, finaldyq kezeŋge joldama aldy.
Olardyŋ qatarynda qazaqstandyq rejisser Jänıbek Nūrbekūlynyŋ «ADAM: Närtäuekel» atty tolyqmetrlı 3D animasiialyq filmı de bar.
Būl — qazaqstandyq animasiia üşın maŋyzdy jetıstık. Film endı halyqaralyq kinofestivaldıŋ soŋǧy saraptau kezeŋınde baq synaidy.
Jeŋımpazdar men arnaiy marapat ielerı 23 qyrküiekte ötetın soŋǧy qazylar alqasynyŋ şeşımımen anyqtalyp, marapattau räsımı sol künı ūiymdastyrylady.
