Keşe Densaulyq saqtau vise-ministrı qyzmetınen bosatylǧan Kamaljan Nadyrovtan koronavirus anyqtaldy, dep habarlaidy adyrna.kz QR Densaulyq saqtau ministrı Eljan Bırtanovtyŋ Facebook paraqşasyna sılteme jasap.
Kadrlyq auys-tüiıske qatysty mälımdesınde ol:
"Keşe Ükımet qaulysymen Kamaljan Talǧatūly Nadyrov basqa jūmysqa auysuyna bailanysty Densaulyq saqtau vise-ministrı qyzmetınen bosatyldy.
Almaty qalasynda koronavirustyq infeksiia keŋınen tarap, jaǧdai qiyndaǧan soŋ Qoǧamdyq densaulyq saqtau basqarmasynyŋ qazırgı basşysy Tıleuhan Şıldebaiūly Äbıldaev otstavkaǧa ketu turaly ötınış bıldırgen bolatyn. Qaladaǧy komandany küşeitu maqsatynda basqarma basşysy lauazymyna K.T. Nadyrovty taǧaiyndau josparlanǧan edı.
Alaida, keşe keşkısın K.T. Nadyrovqa koronavirustyq infeksiia jūqtyrǧan degen diagnoz qoiyldy, qazır ol emdelu üşın auruhanaǧa jatty.
Ärıptesım Kamaljan Talǧatūlynyŋ tez sauyǧyp ketuıne tılektespın jäne qoldau bıldıremın!
Osy jaǧdaiǧa bailanysty Almaty qalasy äkımınıŋ kelısımımen T.Ş. Äbıldaevtyŋ otstavkaǧa ketu turaly ötınışı toqtatyldy.
Jalpy, Almatydaǧy COVID-19 qatysty jaǧdai memleket jäne qala basşylyǧynyŋ erekşe baqylauynda. Bügın taŋǧy mälımet boiynşa mūnda 678 adamnyŋ infeksiia jūqtyrǧany anyqtaldy, skrining nätijesınde nauqastardyŋ jartysyna juyǧy medisina qyzmetkerlerı ekenı belgılı boldy. Ortalyq qalalyq klinikalyq auruhanadaǧy ındettıŋ oşaǧy oqşaulandyryldy, barlyq pasientter, koronavirustyq infeksiia diagnozy rastalǧan qyzmetkerler qaladaǧy stasionarlarǧa ornalastyryldy jäne emdelude. Atalǧan auruhananyŋ ǧimarattary tolyq dezinfeksiialanady, stasionar sodan keiın ǧana nauqastardy qabyldauǧa kırısedı", - dep jazdy.
Ūqsas jaŋalyqtar
