12 säuırge auǧan tünı Astananyŋ Esıl audanynda ornalasqan tūrǧyn üi keşenderınıŋ bırınen ört şyǧyp, tılsız jau üş balanyŋ ömırın qidy, dep habarlaidy "Adyrna".
QR TJM baspasöz qyzmetınen habarlaǧandai, ört Esıl audany Türkıstan köşesınde ornalasqan 21 qabatty tūrǧyn üidıŋ 15-qabatyndaǧy päterden şyqqan.
Habarlamaǧa säikes, TJM küşterı men qūraldary oqiǧa ornyna jedel jetken. Alǧaşqy ört söndıru bölımşelerı kelgen kezde päter örtenıp jatqany anyqtaldy.
“Örttı söndıru barysynda janyp jatqan päterden küiık alǧan äiel qūtqarylyp, jedel medisinalyq järdem brigadasyna tapsyryldy. Qazırgı uaqytta ol №1 Köpsalaly qalalyq auruhanada em qabyldauda.
Ökınışke qarai, oqiǧa ornynan üş kämeletke tolmaǧan balanyŋ denesı tabyldy”, – delıngen habarlamada.
TJM mamandary joǧarǧy qabattardan 20 adamdy evakuasiialady, sonymen qatar 40-qa juyq tūrǧyn ǧimarattan öz betınşe qauıpsız jerge şyqty.
Qazırgı uaqytta ört tolyq söndırılıp, onyŋ şyǧu sebepterı anyqtalyp jatyr.
Qalalyq äkımdıktıŋ mälımetınşe, zardap şekken äielge jäne qaza bolǧandardyŋ otbasyna qajettı jan-jaqty kömek körsetıledı.
Qaiǧyly jaǧdai bilık ökılderınıŋ tıkelei baqylauyna alyndy.
