Reseidıŋ «Literaturnaia gazeta» baspasynda Sauytbek Äbdırahmanovtyŋ «Korifei» atty kıtaby jaryq kördı. Būl kıtap Qazaqstannyŋ Eŋbek Erı, halyq jazuşysy Äbış Kekılbaevtyŋ şyǧarmaşylyǧyna arnalǧan, dep habarlaidy “Adyrna” ūlttyq portaly.
Äbış Kekılbaev barlyq ädebi janrlarda klassikalyq şyǧarmalar jazyp, oqyrmandaryn körkemdıgımen, tereŋ oilau qabıletımen taŋdandyryp, täntı ettı. Ol qiyn kezeŋde uaqyt talabyna sai saiasi arenada boldy, el täuelsızdıgınıŋ nyǧaiuyna aitarlyqtai üles qosyp, halyqtyŋ zor qūrmetıne ie boldy. Būl kıtapta jazuşy, publisist, önertanuşy, saiasattanuşy, tarihşy, ädebiettanuşy retınde onyŋ erekşe qyrlary jan-jaqty aşylǧan.
Sondai-aq, būl kıtap Qazaqstan men Resei arasyndaǧy dostyq qarym-qatynasty nyǧaitqan aituly tūlǧany tanytuǧa baǧyttalǧan. Kıtaptyŋ alǧy sözı Qazaqstan Respublikasynyŋ Prezidentı Qasym-Jomart Toqaevtyŋ jazǧan sözımen bastalady.
«Men Qazaqstannyŋ körnektı jazuşysy, memleket qairatkerı Äbış Kekılbaevty airyqşa atap ötkım keledı. Ol – erekşe tūlǧa jäne klassik jazuşy, halqymyzdyŋ ruhani ömırınde airyqşa ız qaldyrǧan, elımızdıŋ damuyna zor üles qosqan tūlǧa.
Men Äbış Kekılbaevpen bırge jūmys ıstedım jäne ony jaqsy bıletın adammyn. Ol naǧyz ırı tūlǧa, joǧary ruhani mädenietı bar adam edı. Äbış kekılbaev eşqaşan bıreu turaly jaman söz aitpaityn, adamdardy bır-bırıne qarsy qoimai, barlyǧyna qūrmet pen süiıspenşılıkpen qaraityn. Oǧan basqa öŋırlerden de köp adam kelıp, qūrmet körsetu üşın jäne jai ǧana söilesuge baruşy edı. Onyŋ üiı ärdaiym aşyq bolatyn.
Jazuşymen bolǧan kezdesulerden keiın onyŋ talantyna tabynǧandar jaŋa energiia men ynta alyp ketetın. Ol ūsaq-tüiek äŋgımelerden alys, tek adamzattyŋ ötkenın, qazırgısı men bolaşaǧyn tereŋ oi elegınen ötkızetın. Bır sözben aitqanda, Äbış Kekılbaev – ülken intellektual, dana adam bolatyn», dedı Prezident.
Sondai-aq, Memleket basşysy jazuşynyŋ şyǧarmaşylyǧymen erteden tanys ekenın aitty.
“Äbış Kekılbaev – halqymyzdyŋ ūly ūldarynyŋ bırı retınde älemge tanytuǧa laiyqty tūlǧa. Men jazuşynyŋ otbasynda östım, sondyqtan men üşın Äbış Kekılbaevtyŋ esımı erteden tanys boldy. Onyŋ şyǧarmalarymen de erte tanystym. Maǧan tereŋ qūrmetpen qaraǧan Äbış aǧa menıŋ ömırımde köp jyldar boiy Senatta bırge jūmys ıstep, jaqyn aralasuǧa mümkındık berdı. Bız bır-bırımızge zor qūrmetpen qaradyq. Būl jyldar menıŋ ömırımdegı eŋ baqytty kezeŋderımnıŋ bırı dep sanaimyn.
Ūltynyŋ ruhaniiatyna ölşeusız üles qosqan ūly tūlǧanyŋ esımı rasynda ülken qūrmetke laiyq. Onyŋ jazuşylyq şeberlıgı men qoǧamdyq-saiasi qyzmetın jan-jaqty zerttep, nasihattau qajet. Osy tūrǧyda belgılı jūmystar jürgızılude.
Ol «Kekılbaevtanu» («Kekilbaevovedenie») atty tūtas ǧylymi baǧytty qūrudy talap etedı. Onyŋ mūrasy zertteuşılerdıŋ ünemı nazaryn audarǧan. Äbış Kekılbaevtyŋ şyǧarmaşylyǧyna arnalǧan kandidattyq jäne doktorlyq dissertasiialar qorǧaldy, onyŋ ömırı men şyǧarmaşylyǧy turaly köptegen maqalalar jaryq kördı. Ärbır jariialanym öz mındetın atqarady. Köptegen zertteulerdıŋ taqyryby – Kekılbaevtyŋ prozasy. Zertteuşıler ony negızınen jazuşy, körkem söz şeberı retınde körsetken”, dedı Toqaev.
Sauytbek Äbdırahmanovtyŋ kıtaby – Äbış Kekılbaevtyŋ oişyldyq daryndaryn jan-jaqty taldaityn, tereŋ ärı keŋ auqymdy eŋbek. Būl kıtap «Kekılbaevtanu» ǧylymi baǧytyn jaŋa mazmūnmen baiytady, ony şyǧarmaşylyq ruhtyŋ naǧyz korifeiı retınde körsetedı. Onda öte kölemdı faktılık material negızınde Äbış Kekılbaevtyŋ önertanuşylyq, ädebiettanuşylyq, tarihnamalyq, saiasattanuşylyq, filosofiialyq qyrlary, onyŋ ensiklopediialyq bılımderı men akademiialyq ämbebaptyǧy keŋınen aşylǧan.
Quantarlyq jait, būl kıtap būǧan deiın Qazaqstan Respublikasynyŋ ädebiet jäne öner salasyndaǧy Abai atyndaǧy Memlekettık syilyǧyna ie bolyp, bırneşe ret qazaq tılınde basylyp şyqqan bolsa, endı orys tıldı oqyrmandarǧa da qoljetımdı bolmaq.
